تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى (تمربقك) 2015 جىلعى قىركۇيەكتە جانار-جاعار ماي باعالارىنىڭ كوتەرىلۋىنە بايلانىستى مونوپولياعا قارسى دەن قويۋ شارالارىن قابىلداۋ ناتيجەلەرى بويىنشا باسەكەلەستىكتى قورعاۋ سالاسىنداعى بۇزۋشىلىقتارعا جۇرگىزىلگەن تەرگەپ-تەكسەرۋلەر نەگىزىندە «قازمۇنايگاز ونىمدەرى» ج ش س، «گەليوس» ج ش س جانە «Sinooil» جشس-گە قاتىستى اكىمشىلىك ءىس قوزعالدى، - دەپ حابارلايدى Qamshy.kz قازاقپاراتقا سىلتەمە جاساپ.
2016 جىلعى 1 ماۋسىمدا اي92/95 ماركالى بەنزيندەردىڭ باعاسىن كوتەرۋ جانە ۇستاپ تۇرۋ جونىندەگى باسەكەلەستىككە قارسى كەلىسىلگەن ءىس-قيمىلداردى جاساۋدا بايقالعان «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 159-بابىنىڭ 2-بولىگىن بۇزۋ فاكتىلەرى بويىنشا اكىمشىلىك جاۋاپكەرشىلىككە «قازمۇنايگاز ونىمدەرى» ج ش س تارتىلعاندىعى تۋرالى استانا قالاسىنىڭ مامانداندىرىلعان اكىمشىلىك سوتىنىڭ قاۋلىسى زاڭدى كۇشىنە ەندى.
بۇنىڭ الدىندا «گەليوس» ج ش س جانە «Sinooil» ج ش س وسىعان ۇقساس بۇزۋشىلىقتارى ءۇشىن اكىمشىلىك جاۋاپكەرشىلىككە تارتىلعان. ولار 94 ملن. تەڭگەدەن استام ايىپپۇل تولەدى.
«قازمۇنايگاز ونىمدەرى» ج ش س تولەيتىن سوما 88 ملن. تەڭگەدەن اسادى.
