«الماتى» ارناسىنداعى «وتكىر ءتىل» باعدارلاماسىنا قاتىسقان اقىن ۇلىقبەك ەسداۋلەت جۋرناليست نارتاي ارالباي ۇلىنىڭ ونەر مەن ولەڭ، ەل ءومىرى مەن قوعام تىنىسىنا قاتىستى اۋالدارىنا جاۋاپ بەردى، - دەپ حابارلايدى Qamshy.kz.

اڭگىمەگە ارقاۋ بولعان تاقىرىپتاردىڭ ىشىندە قوعامداعى جەر داۋى، ۇلتتىق بولمىس پەن ءدىني احۋال دا بار.

«سوڭعى جاعدايلار «ەلىم» دەگەن ءبىراز ادامنىڭ بەت پەردەسىن اشتى. الەۋمەتتىك جەلىدەگىلەر ءقازىر بەكبولاتشىلار مەن ۇلتشىلدار بولىپ ەكىگە بولىنگەن. ءسىز سونىڭ قايسى جاعىنداسىز دەگەن سۇراققا اقىن:

«مەن اسىرە دىنشىلدىكتى ونشا جاقتىرمايمىن. ونىڭ تۋراسىن ايتۋ كەرەك. ەتيكا دەگەن سياقتى قوعامنىڭ ءبىر الا ءجىبى بولادى. ولار سول الا جىپتەن اتتاپ كەتكەن سەكىلدى كورىنەدى. (...) ول جاقتا وقۋ ءوتىپ كەتكەندەر دە، وقۋ جەتپەگەن دۇمشەلەر دە بار. (...) مۇسىلمانداردىڭ ىشىنە ىرىتكى سالۋشىلارعا اقشا تولەيدى دەگەندى دە ەستيمىز. مەن بەكبولاتتى سىناعان تاراپتامىن. مەن بەكبولاتتىڭ جانىندا بالاعىنان ساقالى ۇزىن ادامداردىڭ جۇرگەنىن قالامايمىن. ماعان قازىرگى ءدىنشىل بەكبولاتتان ءانشى بەكبولات، ونەرلى بەكبولات جاقىن، حالىققا دا سولاي. مەن سول بەكبولاتتى ساعىنام. ءقازىر جۇرتقا ۋاعىز ايتىپ جۇرگەن بەكبولات سونداي ءبىر ءدىني مەكتەپتە وقي قويدى دەپ تە ايتا المايمىن»، - دەپ جاۋاپ بەردى.