الماتى قالاسى الاتاۋ اۋدانى العاباس ىقشام اۋدانىنداعى قۇلاعالى تۇرعان كوپ قاباتتى ءۇيدى «استانا EXPO-2017» مەنەدجەرى باسقاراتىن كومپانيا سالعان، - دەپ حابارلايدى Qamshy.kz Today.kz-كە سىلتەمە جاساپ.
كەشە تۇندە تۇرعىندارى شۇعىل جاعدايدا كوشىرىلگەن كوپ قاباتتى ءۇيدى سالعان «استانا-قۇرىلىس» اق-ىنىڭ پرەزيدەنتى بولاتقان ساندىقبايەۆ «استانا EXPO-2017 قۇرىلىس ديرەكسياسى» فيليالىنىڭ دا باسشىسى كورىنەدى. ب. ساندىقبايەۆتىڭ سونداي-اق، قازاق باس قۇرىلىس جانە ساۋلەت اكادەمياسى قامقورشىلار كەڭەسىنىڭ دە مۇشەسى ەكەنى انىقتالىپ وتىر.
ەستەرىڭىزگە سالساق، 1 ماۋسىم كۇنى العاباس ىقشام اۋدانىنداعى توعىز قاباتتى تۇرعىن ءۇيدىڭ ءبىرى 32 سانتيمەترگە قيسايىپ، تۇرعىندارى ءقاۋىپسىز جەرلەرگە كوشىرىلگەن بولاتىن. ءقازىر ءۇيدىڭ نە ءۇشىن مۇنداي كۇيگە تۇسكەنىن قۇرامىنا ءبىرقاتار ماماندار كىرەتىن ارنايى كوميسسيا زەرتتەپ جاتىر. اتالعان ءۇي 2013 جىلى مەملەكەتتىك كوممۋنالدىق قۇرىلىس باعدارلاماسى اياسىندا تۇرعىزىلىپ، 2015 جىلى پايدالانۋعا بەرىلگەن.
ارنايى كوميسسيا اپاتتى جاعدايدىڭ تۋىنداۋ سەبەپتەرىن ەرتەڭ ساعات 15.00-دە جاريالايتىنىن حابارلادى.
