الماتىداعى «تاۋگۇل» ىقشام اۋدانىنىڭ تۇرعىندارى قالا اكىمدىگى باسپا ءسوز قىزمەتىنىڭ وتىرىگىن اشكەرەلەدى، - دەپ حابارلايدى Qamshy.kz informburo.kz – كە سىلتەمە جاساپ.

تۇرعىنداردىڭ ايتۋىنشا، 2015 جىلدىڭ كۇزىندە ىقشام اۋدانداعى ءبىر اۋلادا گاز قۇبىرىن تارتۋ جۇمىستارى جۇرگەن. مەردىگەر «تاراز-اگرو-پروم-سەرۆيس» كومپانياسى قۇبىر جۇرگىزگەن سوڭ، قازىلعان جەردەن الىنعان توپىراقتى اۋلاعا شاشىپ كەتكەن. وسىعان بايلانىستى تۇرعىندار اكىمنىڭ اتىنا حات جازادى. مەردىگەر كومپانيا بولسا، قالپىنا كەلتىرۋ جۇمىستارىن جۇرگىزۋگە مىندەتتەلەدى. الايدا، جارتى جىلدان استام ۋاقىت وتسە دە ول جۇمىس اتقارىلماعان. ال، 27 مامىر كۇنى ەكى ازامات قازىلعان توپىراقتى كۇرەكپەن اۋلا ىشىنە جايىپ كەتكەن.

وسى «قالپىنا كەلتىرۋ» جۇمىستارى تۋرالى اكىمدىكتىڭ فەيسبۋك جەلىسىندەگى پاراقشاسىندا كەشە پوست جاريالانعان. وندا «سپەسگرۋپپ مونتاج» ج ش س اۋلانى اباتتاندىرۋ جۇمىسى قالپىنا كەلتىرىلدى»، - دەپ جازىلىپ، بىرنەشە سۋرەت جاريالانعان. تۇرعىندار ول سۋرەتتەر باسقا اۋلادا تۇسىرىلگەنىن، ال، وزدەرى دابىل قاققان اۋدانداعى جاعداي ءالى سول قالپىندا ەكەنىن ايتىپ وتىر.