ارينە، جىلىنا ءبىر رەت قانا كەلەتىن رامازان ايىن بارلىعىمىز اسىعا كۇتەتىنىمىز انىق. الايدا كوبىنەسە ايەلدەر (تەك ايەلدەرگە ءتان جاعدايلارىنا بايلانىستى، جۇكتىلىگى، ەمىزۋلى ت.ب سەبەپتەرمەن) ورازا تۇتا الماي جاتادى. حايىز، نيفاس ت.ب جاعدايداعى ايەلدەردىڭ ورازاسى جايلى كەلەسى ماقالالارىمىزدىڭ بىرىندە جازاتىن بولامىز. ال ءقازىر جۇكتى جانە ەمىزۋلى بالاسى بار ايەلدەردىڭ جايىنا جەكە توقتالساق.

ءاناس يبن ماليك (ر.ا) جەتكىزگەن حاديستە پايعامبارىمىز (س.ع.س.): «شىنىندا، اللا جول ءجۇرىپ بارا جاتقانداردى ورازا مەن نامازدىڭ جارتىسىنان (ياعني، ءتورت راكاتتى نامازدار ەكىگە قىسقارادى) بوساتتى. ال جۇكتى جانە ەمىزۋلى ايەلدەردى (تەك) ورازادان بوساتتى» دەگەن.

ەگەر ايەل ءوزىنىڭ جانە بالاسىنىڭ دەنساۋلىعىنا زيان كەلە مە دەپ قورىقسا، ورازا ۇستاماۋىنا بولادى. ءبىراق قازاسىن باسقا ۋاقىتتاردا وتەۋى ءتيىس.

دەرەككوز: asylsoz.kz