ق ر ۇكىمەتىنىڭ 2016 جىلعى 30 مامىرداعى №304 قاۋلىسىمەن زاپاستاعى وفيسەرلەر اسكەري قىزمەتكە شاقىرىلادى، - دەپ حابارلايدى Qamshy.kz.

قازاقستان رەسپۋبليكاسى ۇكىمەتىنىڭ قاۋلىسى

2016 جىلعى 30 مامىر №304 استانا، ۇكىمەت ءۇيى

زاپاستاعى وفيسەرلەردى اسكەري قىزمەتكە شاقىرۋ تۋرالى

«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسى زاڭىنىڭ 32-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 

1. وسى قاۋلىعا قوسىمشاعا سايكەس ساندا وفيسەرلەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن اسكەري قىزمەتكە جارامدى جانە ونى وتكەرمەگەن زاپاستاعى وفيسەرلەر زاڭنامادا بەلگىلەنگەن تارتىپپەن 2016 جىلى ەكى جىل مەرزىمگە اسكەري قىزمەتكە شاقىرىلسىن.

2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-مينيسترى ك.ءماسىموۆ

قازاقستان رەسپۋبليكاسى ۇكىمەتىنىڭ 2016 جىلعى 30 مامىرداعى №304 قاۋلىسىنا قوسىمشا

2016 جىلى اسكەري-ەسەپتىك ماماندىقتار بويىنشا اسكەري قىزمەتكە شاقىرۋعا جاتاتىن زاپاستاعى وفيسەرلەردىڭ سانى

ر/س №      اسكەري-ەسەپتىك ماماندىق                                                                  سانى

                                                                وفيسەر

1.      اسكەري-مەديسينالىق قىزمەت                                                                      50

2.      ارتيللەريا                                                                                                    80

3.      قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى 40

بارلىعى                                                                                                              170