جالعا الىنعان جەرلەردى پايدالانبايتىن شارۋالارعا 10 ەسەگە دەيىن ۇلعايتىلعان جەر سالىعى سالىنادى. بۇل تۋرالى كوكشەتاۋدا ءوتiپ جاتقان جەر رەفورماسى ءجونiندەگi كوميسسيانىڭ العاشقى كوشپەلi وتىرىسىندا ق ر اۋىل شارۋاشىلىعى ۆيسە-مينيسترى ەرلان نىسانبايەۆ مالىمدەدى، - دەپ حابارلايدى Qamshy.kz BNews.kz – كە سىلتەمە جاساپ.

«بۇگىندە اۋىل شارۋاشىلىعى جەرلەرىنىڭ باسىم بولىگى جالعا الۋ قۇقىعىمەن پايدالانىلىپ جاتىر. شارۋا قوجالىقتارىندا 57 ملن 500 مىڭ گەكتار، اگراقۇرىلىمداردا 40 ملن 200 مىڭ گەكتار جەر بار. شەتەلدىكتەر مەن بىرىككەن كاسىپورىندارعا جالعا بەرىلگەن جەر كولەمى 61 مىڭ 10 گەكتاردى قۇرايدى. ونىڭ 44 مىڭ 900 گەكتارى  بىرىككەن كاسىپورىندارعا بەرىلگەن. 29 مىڭ 700 گەكتارى قازاقستاندىقتارعا تولىق وتكەن»، - دەدى ۆيسە-مينيستر.

ەرلان نىسانبايەۆ شەتەلدىكتەرگە قويىلعان تالاپتاردى دا اتاپ ءوتتى.

«بىرىنشىدەن، شەتەلدىكتەرگە جەردى جەكەمەنشىككە بەرۋگە تىيىم سالىنعان. ەكىنشىدەن، شەتەلدىكتەرگە نوتارياتتار ارقىلى جەكەمەنشىككە راسىمدەۋگە تىيىم سالىنعان. ۇشىنشىدەن، شەتەلدىكتەرگە جەردى شەكارا ماڭىنان جالعا بەرۋگە تىيىم سالىنعان. تورتىنشىدەن، شەتەلدىكتەرگە جەردى جالعا بەرۋدىڭ شەكتى كولەمى بەلگىلەنگەن»، - دەپ اتاپ ءوتتى ول.

«جەردى ءتيىمدى پايدالانباعاندارعا قاتاڭ شارا قولدانىلادى. جەر كودەكسىنىڭ 92،93،94 باپتارىنا سايكەس جەردى ءتيىمدى پايدالانباعان جاعدايدا ءماجبۇرلى تۇردە قايتارۋ نورماسى قاراستىرىلعان. پايدالانىلماي جاتقان جەرلەرگە 10 ەسەگە دەيىن ۇلعايتىلعان جەر سالىعى سالىنادى»، - دەپ تۇيىندەدى اشم ۆيسە-مينيسترى.