الماتى اكىمى باۋىرجان بايبەك الاعاباس ىقشام اۋدانىنداعى ءبىر جاعىنا قاراي قيسايعان ۇيگە بارىپ، جاعدايمەن تانىستى، - دەپ حابارلايدى Qamshy.kz tengrinews.kz-كە سىلتەمە جاساپ.
باۋىرجان بايبەك ىقشام اۋدان تۇرعىندارىمەن، اۋداندىق اكىمدىكتىڭ شەنەۋنىكتەرىمەن جانە قۇرىلىس جۇرگىزگەن كومپانيا وكىلدەرىمەن كەزدەسىپ، مەملەكەتتىك باعدارلامامەن اتالعان ىقشام اۋداندا سالىنعان بارلىق 29 ءۇيدىڭ جاعدايىن تەكسەرۋ تۋرالى ناقتى مىندەت قويدى.
ەستەرىڭىزگە سالساق، 1 ماۋسىم كۇنى العاباستاعى 9 قاباتتى ۇيدەن تۇرعىندار كوشىرىلگەن بولاتىن. ەۆاكۋاسياعا ءۇيدىڭ 32 سانتيمەترگە جانتايۋى سەبەپ بولدى. 3 ماۋسىم كۇنى ارنايى كوميسسيا «استانا قۇرىلىس» كومپانياسى سالعان ءۇيدى قۇلاتۋ تۋرالى شەشىم شىعارعان ەدى.
