جەر كوميسسياسىنىڭ نازارىنا ۇسىنىس!

جەر ماسەلەسىنىڭ اينالاسىنداعى ءبىر ماسەلە - اۋىل مەن اۋىل كەلەشەگى!

پروبلەما: 
نەگىزى كەزىندە «ديپلوممەن اۋىلعا» دەپ، جەردىڭ يەسىن جاستاردى اۋىلعا قالدىرۋعا تىرىسىپ باقتىق. ونىڭ مىڭنان ون-ون بەسى قايتقانى بولماسا، توكسان بەس پايىزى قالاعا قاشتى. سوندا بۇل قاي جەر يەسىنە كەلەشەكتە جەردى قالدىرماقپىز؟! ايتپاقشى، اۋىل جىلدارىنىڭ باعدارلاماسىنىڭ ماردىمدى جەتىستىگىنىڭ بولماعانى تاعى بار. سول سەبەپتى اۋىلدىڭ ءھام اۋىل جاستارىنا قاتىستى جاسالىنباق باعىت جالپى ماسەلەنى شەشپەدى!

ۇسىنىس:
مەنىڭشە «جاس اۋىل» دەگەن جاڭا باعىتتى قولعا الۋ كەرەك. ەڭ الدىمەن، اۋىلدىڭ كەلەشەگىن جاستاردىڭ كەمىندە ناقتى جەر مەن ونىڭ وندىرىستىك-كاسىپتىك سالاسىنا 30% قايتارۋ.

جولدارى، اۋىلدان شىققان جاستارعا، سىرتتان كەلگەن جاس اعايىنعا، قالادان اۋىلعا بارىپ شارۋشالىق اشۋعا نيەتتى جاستارعا:

- كاسىپ نە شارۋاشىلىق اشۋعا 5 جىلدىق سالىقتان بوساتۋ؛
- تەحنيكا مەن نەسيەلىك قارجىعا قول جەتكىزۋدە 50% مەملەكەتتىك ۇستەمە قولداۋىمەن جەڭىلدىك جاساۋ؛

- اۋىلدىق ايماققا «قول جەتىمدى باسپانا» اۋىلدىق تيپتەگى باعدارلاما جاساقتاۋ؛
- ينۆەستيسيالىق جوبالاردىڭ نەگىزىندە قوسىمشا ينفراقۇرىلىمدىق ماسەلەلەرگە، الەۋمەتتىك ىنسانداردى قۇرۋعا كەلەتىن ىشكى نە سىرتقى كومپانيالاردىڭ قۇزىرەتىنە بەرۋ ارقىلى جەرگىلىكتى الەۋمەتتىك ارىپتەستىكتى كۇشەيتۋ. 

ناتيجەسىندە - قالاعا ىشكى ميگراسيانىڭ 30%-ى توقتايدى، ناقتى كاسىپتىك-وندىرىستىك باعىتتار ايقىندالادى، قالالىق قىلمىس، الەۋمەتتىك كۇيزەلىستەر مەن تەكە-تىرەستەر، قوسىمشا قوعامدىق ماسەلەلەر تۋىندامايدى. 

ويلانىپ كورىڭىزدەر! كەزىندە مۇستافا كەمال اتاتۇرىكتىڭ تۇسىندا 30-40 جىلدارى شامامەن وسىنداي باعىتتا جاستاردى جەر كاسىبىنە تارتقان بولاتىن، ول كەزدە كەرەك دەسەڭىز كەڭسەسىنە دەيىن تەگىن جالعا بەرىلدى، كوممۋنيكاسيالىق پروبلەمالارىن دا شەشىپ بەرىپ ەدى. بىزدە دە ءححى عاسىردا كەرەمەت كۇشتى بولىپ كەتپەسەك تە، دامۋ ۇردىسىمەن سالىستىرساق سول 40، 50-جىلداردىڭ و جاق، بۇ جاعىنىڭ دەڭگەيىندە تۇرمىز...

ماقسات جاقاۋدىڭ فەيسبۋكتەگى پاراقشاسىنان الىندى