تانىمال قازاقستاندىق كاسىپكەر، «شىمكەنت پيۆو» سەرىكتەستىگىنىڭ ديرەكتورى توقتار تولەشوۆ جەر رەفورماسىنا قاتىستى ميتينگتەردi قارجىلاندىرعان جانە بيلىكتى كۇشپەن باسىپ الۋعا دايىندىق جۇمىستارىن جۇرگىزگەن. بۇگىن ق ر باس پروكۋراتۋراسىندا وتكەن بريفينگ بارىسىنلدا ق ر ۇلتتىق قاۋiپسiزدiك كوميتەتi باسپا ءسوز قىزمەتiنiڭ وكiلi رۋسلان كاراسيەۆ پەن ق ر باس پروكۋراتۋراسىنىڭ دەپارتامەنت باسشىسى قۇسايىن يگەمبايەۆ مالىمدەدى، - دەپ حابارلايدى Qamshy.kz Baq.kz-كە سىلتەمە جاساپ.
«بۇدان بۇرىن حابارلانعانىمىزداي، ارنايى پروكۋرور مەن ۆەدومستۆوارالىق ارنايى تەرگەۋ توبىمەن ترانسۇلتتىق، قىلمىستىق قارجىلاندىرۋ، ۇيىمداسقان قىلمىستىق توپتى باسقارۋ، زاڭسىز ەسىرتكى زاتتارىن ساقتاۋ مەن «شىمكەنت سىرا» زاۋىتىنىڭ يەسى توقتار تولەشيەۆكە جانە ونىڭ اينالاسىنداعى بىرنەشە ادامعا قاتىستى قىلمىستىق ىستەر تەرگەلدى. كورسەتىلگەن ارەكەتتەرمەن قاتار، تولەشيەۆكە اۋىر جانە اسا اۋىر قىلمىس، ونىڭ ىشىندە ادام ءولتىرۋدى ۇيىمداستىردى، ءتۇرلى دارەجەدەگى دەنە جاراقاتىن كەلتىرۋ، ادام ۇرلاۋ، باسقا بىرەۋدىڭ مۇلكىن قاساقانا جويۋ قىلمىستارىن جاسادى دەگەن ايىپتار تاعىلدى. سوىنمەن بىرگە، قازىرگى كەزدە تولەشيەۆتىڭ جالپى قىلمىستىق، سونىمەن قاتار، كونستيتۋسيالىق قاتىستىلىعى انىقتالدى. قىلمىستىڭ بۇل بولىگىنىڭ قۇزىرەتتىلىگى بويىنشا ق ر ۇقك تەرگەۋدە»، – دەيدى قۇسايىن يگەمبايەۆ.
ال ۇلتتىق قاۋىپسىزدىك كوميتەتىنىڭ باسپا ءسوز قىزمەتىنىڭ وكىلى رۋسلان قاراسايەۆتىڭ مالىمدەمەسى بىلاي بولدى:
«تەرگەۋدە تولەشيەۆ مىرزانىڭ بۇرىن بيلىكتى كۇشپەن باسىپ الۋعا دايىندىق جۇمىستارىن جۇرگىزگەندىگى، وتكەن جىلدان بەرى بەلسەندى ناقتى ارەكەتتەر قولدانعانى تۋرالى تولىق مالىمەتتەر الىندى. ونىڭ ارەكەت جوسپارىندا قاۋىپتىلىك وشاقتارىن باقىلاپ، ەل ىشىندەگى جاعدايدى تۇراقسىزداندىرۋ، نارازىلىق اكسيالارىن جانە جاپپاي تارتىپسىزدىكتەردى ۇيىمداستىرۋ، ونىڭ اينالاسىندا بالامالى ۇكىمەتتى قالىپتاستىرۋدى جوسپارلاۋ جانە ارەكەت ەتۋشى بيلىك قۇرىلىمىن وزگەرتۋ قاراستىرىلعان. اتىراۋ، استانا، الماتى، ورال، قىزىلوردا قالالارىندا جەر رەفورماسى دەپ اتالاتىن قارسى نارازىلىق اكسيالارى تولەشيەۆ مىرزامەن وتكەن جىلدىڭ جەلتوقسان ايىندا دايىندالىپ، ونىمەن قارجىلاندىرىلعانى تۋرالى دالەلدەر الىندى. اتالعان نارازىلىق اكسيالارىن بۇدان دا ەرتەرەك وتكىزۋ جوسپارلانعانى ناقتى انىقتالعان. ءبىراق، تولەشيەۆتىڭ تۇتقىندالۋىنا بايلانىستى اكسيانى وتكىزۋ ۋاقىتى تىكەلەي ۇيىمداستىرۋشىلارمەن وزگەرتىلگەن. قازىرگى تاڭدا ولاردىڭ كەيبىرەۋلەرى قۇرىقتالعان».
ونىڭ ايتۋىنشا تەرگەۋ ورگاندارى قازاقستاننىڭ باسقا دا وڭىرلەرىندە ۇيىمداستىرىلعان نارازىلىق اكسيالارىن قارجىلاندىرۋ تۋرالى فاكتىلەردى قاراعان.
«تولەشيەۆ تەرگەۋ يزولياتورىندا بولا وتىرىپ، ەلدەگى قالىپتاسقان جاعدايدى پايدالانا وتىرىپ، 2016 جىلدىڭ مامىرىندا وقو سارىاعاش قالاسىندا جاپپاي تارتىپسىزدىك ۇيىمداستىرۋعا ارەكەتتەنگەن. ءوزىنىڭ جوسپارلارىن ىسكە اسىرۋ ماقساتىندا تولەشيەۆ قۇقىق قورعاۋ ورگاندارىنىڭ بۇرىنعى جانە قارۋلى كۇشتەردىڭ جوعارى لاۋازىمدى تۇلعالارى، سونداي-اق، قارۋلى كۇشتەردىڭ كەيبىر باسشىلارى قاتارىنان ماقساتتى تۇردە ءوزىنىڭ جاقتاستارىن ىزدەستىرگەن. تولەشيەۆ مىرزاعا ءوزىنىڭ ارەكەتتەرىن ىسكە اسىرۋ ماقساتىندا پايدالانىلعان جاسىرىن ورىندارداعى قارۋ-جاراقتا، جارىلعىش زاتتار ۇقك تاركىلەنگەن. وتكەن دەمالىستاردا ق ر ۇقك قىزمەتكەرلەرى استانا، الماتى، شىمكەنت قالالارىندا تولەشيەۆتىڭ ءبىرقاتار سىبايلاستارى مەن جاقتاستارى تۇتقىندالعان. ولاردىڭ قاتارىندا ق ر باس پروكۋرورىنىڭ بۇرىنعى ءبىرىنشى ورىنباسارى، ق ر كونستيتۋسيالىق كەڭەسىنىڭ بۇرىنعى مۇشەسى، ءىى ساناتتاعى ادىلەت كەڭەسشىسى باقتىبايەۆ ءىلياس، وقو ءىىد بۇرىنعى باستىعى گەنەرال-مايور دوسقالييەۆ، وقو ءىىد باستىعىنىڭ بۇرىنعى ءبىرىنشى ورىنباسارى پوليسيا پولكوۆنيگى ساكەن ايتبەكوۆ، ق ر قورعانىس مينيسترلىگى وڭتۇستىك ايماقتىق باسشىلىعىنىڭ 35748 جانە 55652 اسكەري بولىمدەرىنىڭ كومانديرلەرى پولكوۆنيكتەر جۇمين بەكزات جانە تولەبايەۆ قايرات. اتالعان تۇلعالار تۇتقىندالىپ، ۋاقىتشا تەرگەۋ يزولياتورىنا وتىرعىزىلعان. بۇلارعا قاتىستى بۇلتارتپاس شارالارىن قولدانۋ ماسەلەسى شەشىلۋدە. ءقازىر تەرگەۋ امالدارى جالعاسۋدا. بۇل قىلمىستىق ىسكە قىلمىستىق اقپارات بۇگىن كەلىپ تۇسۋىنە بايلانىستى جانە تەرگەۋ قۇپيالىلىعىنا بايلانىستى جۇرتشىلىق نازارىنا ۇسىنىلىپ وتىرادى»، – دەدى ۇقك وكىلى.
ەستەرىڭىزگە سالساق، شىمكەنت سىرا كومپانياسىنىڭ باسشىسى، تانىمال كاسىپكەر توقتار تولەشوۆ 30 قاڭتار كۇنى قاماۋعا الىنعان بولاتىن. سوت وعان تەرگەۋ كەزىندە قاماۋدا ۇستاۋ بۇلتارتپاۋ شاراسىن قولداندى. وعان تۇتقىندالعان ساتتە ەسىرتكى زاتتارىن زاڭسىز ساقتادى، ساتتى، قىلمىستىق توپتى زاڭسىز قارجىلاندىردى دەگەن ايىپتار تاعىلدى. سونداي-اق، كاسىپكەردى ۇستاۋ وپەراسياسى كەزىندە ودان الدەبىر ءدىني كىتاپ تاركىلەندى دەگەن دە اقپارات تاراعان. ءتورت ايعا سوزىلعان تەرگەۋ جۇمىستارى بارىسىندا تولەشوۆتىڭ توڭكەرىسكە تالپىنعانى انىقتالىپ وتىر.
