ءماجىلىس دەپۋتاتى باقىتبەك سماعۇل اقتوبە قالاسىندا بولعان جاعدايعا وراي پىكىر ءبىلدىردى، - دەپ حابارلايدى Qamshy.kz قازاقستان جاڭالىقتارىنا سىلتەمە جاساپ.
دەپۋتات اقتوبەدەگى وقيعانىڭ بارلىق جاۋاپكەرشىلىگى ءداستۇرلى ەمەس راديكالدى ۇيىمداردىڭ موينىندا ەكەنىن ايتىپ وتىر.
«ءبىز بۇل سول وڭىردەگى سالافيت، ۋاحابيتتەردىڭ قولىمەن جاسالعانىن ءتۇسىنۋىمىز كەرەك. (..) بۇگىنگى جاعداي ءبىزدىڭ تۇراقتىلىعىمىزعا قول سۇققىسى كەلەتىنىنىڭ، بىزدەگى بەيبىت، تولەرانتتى جانە دەموكراتيالىق ءومىردىڭ بىرەۋلەرگە ۇنامايتىنىنىڭ دالەلى»، - دەگەن ب. سماعۇل. شەت ەلدەردە سوعىسىپ جۇرگەن جۇزدەگەن قازاقستاندىققا الاڭداۋلى دەپۋتات تەرروريزمنىڭ بۇگىندە تامىرىن تەرەڭگە جىبەرگەنىن ايتادى.
«ءبىزدىڭ ەلىمىز بەيبىت كۇن كەشۋى ءۇشىن ولاردى تۇپ-تامىرىمەن جويۋ قاجەت. ءبىز وسىنداي قاتال جولدى تاڭداۋعا ءماجبۇرمىز. ادام ءومىرى مەن ونىڭ كونستيتۋسيالىق قۇقىقتارىن قورعاۋ – مەملەكەتتىك مىندەتى»، - دەپ وتىر دەپۋتات.
مۇنداي باسسىزدىقتاردىڭ ءبىر سەبەبەبىن دەپۋتات بيلىكتىڭ بوستىعىنان دا كورەدى.
«ءبىز ءداستۇرلى ەمەس ءدىني اعىمدارعا ەركىندىك بەرىپ، تولەرانتتىلىق تانىتتىق، ال، ءقازىر سونىڭ «جەمىسىن» كورىپ جاتىرمىز. ازاماتتاردىڭ قاۋىپسىزدىگىمەن تاۋەكەل ەتۋگە بولمايدى. ءبىز قانشا سىناپ، ەسكەرتۋ جاساساق تا ونىڭ بىرەۋى جۇزەگە اسپادى»، - دەيدى ب. سماعۇل.
ەستەرىڭىزگە سالساق، كەشە اقتوبە قالاسىندا بىرنەشە قارۋلى ادام اتىس جاساپ، ەكى بىردەي قارۋ-جاراق دۇكەنىنە، پوليسيا بولىمشەسىنە جانە ۇلتتىق ۇلاننىڭ اسكەري بولىمىنە شابۋىل جاساعان. رەسمي دەرەكتەر بويىنشا، قاراقشىلاردىڭ قولىنان 6 ادام قازا تاۋىپ، 10 شاقتى ادام جاراقاتتانعان.
