اۋىراتلەت ۆلاديمير سەدوۆ قازاقستان چەمپيوناتىندا داۋ شىعارىپ، اۋىر اتلەتيكادان قازاقستان چەمپيوناتىنا قاتىسۋدان باس تارتتى. قازاقستاندىق اۋىراتلەتتىڭ داۋ شىعارعانى تۇسىرىلگەن ۆيدەو پايدا بولدى، - دەپ حابارلايدى Qamshy.kz Tengrinews.kz – كە سىلتەمە جاساپ.

بەينەباياندا ۆلاديمير سەدوۆ پوموستقا شىققانى، ءبىراق شتانگانى كوتەرمەگەنى كورىنەدى. مۇنىڭ ورنىنا ول جەيدەسىن شەشىپ، قولىندا شايقاپ تۇرىپ، "مىنە سىزدەرگە ناعىز وليمپيادا چەمپيونى!" دەپ ايعايلايدى. كەيىن سپورتشى سىرتقا شىعىپ كەتەدى. الايدا سەدوۆ بۇدان كەيىن قايتا شىعىپ، جەيدەسىن الىپ، كورەرمەندەرگە لاقتىرادى. ايتا كەتەيىك، سەدوۆ كيىپ شىققان جەيدەدە رەسەيلىك اۋىراتلەت الەكساندر يۆانوۆتىڭ سۋرەتى بار ەكەن. ول لوندونداعى وليمپيادا-2012-دە قازاقستاندىق يليا يليننەن جەڭىلىپ، ەكىنشى ورىن العان بولاتىن. ەل بىرىنشىلىگىنىڭ ءفاۆوريتى (94 كەلىگە دەيىنگى تۇجىرىم) تۋرنيرگە قاتىسۋدان وسىلايشا باس تارتتى.

ايتا كەتەيىك، 2009 جىلعى الەم چەمپيونى ۆلاديمير سەدوۆ مانساپ جولىن وتكەن جىلى اياقتاعان بولاتىن. الايدا ونىڭ سالماق دارەجەسىندەگى ەكى سپورتشى دوپينگ داۋىنا ءىلىنىپ، جارىستاردان شىعىپ قالعاننان كەيىن قايتا ورالعان ەدى.