كەشە بىشكەكتە ق ر پرەمەر-مينيسترى كارىم ءماسىموۆ تمد ۇكىمەتتەرى باسشىلارى كەڭەسىنىڭ كەزەكتى وتىرىسىنا قاتىستى، - دەپ حابارلايدى Qamshy.kz primeminister.kz – سىلتەمە جاساپ.

وتىرىس قاتىسۋشىلارى ساۋدا-ەكونوميكالىق، ەنەرگەتيكا، دەنساۋلىق ساقتاۋ جانە ءبىلىم بەرۋ سالالارىنداعى ينتەگراسيالىق ءوزارا ءىس-قيمىلدى دامىتۋعا ارنالعان ماسەلەلەردىڭ كەڭ اۋقىمىن تالقىلادى.

اتاپ ايتقاندا، ءبىرجاقتى فورماتتاعى وتىرىستا دەلەگاسيا باسشىلارى تمد ورگاندارىنىڭ 2016 جىلعا ارنالعان ءبىرىڭعاي بيۋدجەتىنە وزگەرتۋلەر ەنگىزۋ تۋرالى ماسەلەنى قارادى، دەپ مالىمدەدى اتقارۋشى كوميتەتتىڭ ءتوراعاسى - تمد اتقارۋشى حاتشىسى سەرگەي لەبەديەۆ كەڭەيتىلگەن قۇرامداعى وتىرىس بارىسىندا. 

كۇن تارتىبىنەن تىس تمد اتقارۋشى كوميتەتىنىڭ تمد ەلدەرى باسشىلارى كەڭەسىنىڭ قازاقستان رەسپۋبليكاسىنىڭ 2015 جىلعى 16 قازانداعى ۇسىنىستارى تۋرالى حاتتاما شەشىمىن جۇزەگە اسىرۋ بارىسى جايلى مالىمەت تىڭدالدى. 
«وسى ماسەلە اياسىندا تمد قىزمەتىن جەتىلدىرۋ تۋرالى وتكىر جانە كونسترۋكتيۆتى پىكىر الماسۋ ءوتتى جانە كەڭەسكە تمد ەلدەرىنىڭ تۇراقتى وكىلەتتى وكىلدەرىنە، ەكونوميكالىق ماسەلەلەر جونىندەگى كوميسسياعا جانە تمد اتقارۋشى كوميتەتىنە ءبىرجاقتى فورماتتا وتكەن وتىرىس بارىسىندا ايتىلعان بارلىق ەسكەرتۋلەردى، پايىمداۋلار مەن پىكىرلەردى ەسكەرتۋدى تاپسىراتىن حاتتاما شەشىمى قابىلداندى»، - دەدى س.لەبەديەۆ، سونداي-اق ول بۇل ماسەلە بيىلعى جىلدىڭ 16 قىركۇيەگىندە بىشكەكتە تمد مەملەكەت باسشىلارى كەڭەسىندە قارالاتىنىن ايتتى. 

بارلىعى دوستاستىق ەلدەرىنىڭ ءتۇرلى سالالارداعى ىنتىماقتاستىعىن ودان ءارى كەڭەيتۋ جانە تەرەڭدەتۋگە باعىتتالعان جيىرمادان استام قۇجات جوباسى قارالدى.

تمد ۇبك-نىڭ كەلەسى وتىرىسى 2016 جىلعى 28 قازاندا مينسكدە وتەدى.