پرەزيدەنت نۇرسۇلتان نازاربايەۆ ۇلتتىق قاۋىپسىزدىك كوميتەتى ءتوراعاسىن قابىلدادى، - دەپ حابارلايدى Qamshy.kz اقوردانىڭ تۋيتتەردەگى پاراقشاسىنا سىلتەمە جاساپ.

كەزدەسۋ بارىسىندا ۇقك ءتوراعاسى ۆ. جۋماقانوۆ مەملەكەت باسشىسىنا اقتوبە وبلىسىنداعى لاڭكەستىككە قارسى ارنايى وپەراسيانىڭ ارالىق ناتيجەلەرى تۋرالى باياندادى.

ۇقك ءتوراعاسىنىڭ ايتۋىنشا، قازىرگى ۋاقىتتا لاڭكەستىك توپتىڭ 13 ادامى جويىلىپ، 14ء-ى جاراقاتتانعان. سونىمەن قاتار، لاڭكەستىك ارەكەتكە دايىندىق بارىسىندا وعان قاتىسۋدان ءوز ەرىكتەرىمەن باس تارتقان 20 ادام انىقتالىپ، تەرگەلگەن. تاعى 6 ادامعا ىزدەۋ سالىنعان. قولدا بار مالىمەتتەرگە ساي ولاردىڭ بارلىعى اقتوبە وبلىسىنىڭ اۋماعىندا جۇرگەن كورىنەدى.

ەلباسى لاڭكەستەردى، ولارعا قاتىسى بار ادامداردى ىزدەپ تابۋدىڭ ماڭىزدىلىعىنا توقتالدى.

«ءبىز ولاردىڭ سول وڭىردە جۇرگەنىن بىلەمىز. حالىق تا ەسكەرتىلدى. ولاردىڭ ءبىرىن قالدىرماي بارلىعىن ۇستاۋ كەرەك. قارۋلى قارسىلىق تانىتسا، كوزىن جويۋ قاجەت. بارلىعى قاتاڭ تۇردە جازالانۋىت ءتيىس»، - دەدى ەلباسى.

5 مامىر كۇنى اقتوبە قالاسىندا بىرنەشە قارۋ-جاراق دۇكەنى مەن ۇلتتىق ۇلان اسكەري بولىمىنە قارۋلى شابۋىل جاسالعان بولاتىن.