ءبىزدىڭ اياعىمىز بولمىسىمىز تۋراسىندا كوپتەگەن قىزىقتى دەرەكتەر ايتا الادى. ەل اۋزىندا اياق بارماقتارى ارقىلى ادامنىڭ مىنەزى جايلى ءبىلىپ قانا قويماي، تاعدىرىن دا بولجاۋعا بولاتىنى تۋرالى ايتىلىپ ءجۇر، - دەپ جازادى  stan.kz.

بۇگىن سىزدەردى پەدومانتيا سىرلارىنان حاباردار ەتپەكپىز. ول – تابانداعى سىزىقتار مەن بارماق ارقىلى بولجاۋ. اتالعان عىلىم جۇمباققا تولى تاجىريبەلەردى ۇناتاتىنداردىڭ اراسىندا تانىمالدىققا يە فيزيوگنوميكا باعىتتارىنىڭ ءبىرى.

اياق  بارماقتارىنا قاراپ ادام مىنەزىن بولجاۋ

№1 ۇلگى
ءسىزدىڭ شىعارماشىل ادام ەكەنىڭىزدى اڭعارتادى. مۇنداي بارماق يەلەرى وتە زەرەك، اقىلدى ءارى قانداي جاعدايدا دا ماسەلەنىڭ كرەاتيۆتى شەشىمىن تابا بىلەدى. الايدا كەي كەزدەرى وزىنە دەگەن سەنىمسىزدىك سالدارىنان باستاعان ءىسىن اياقسىز قالدىرىپ جاتادى.

№2 ۇلگى
مۇنداي ادامدار باتىل ءارى ونەرتاپقىش كەلەدى. قاشان دا ءوزى سەنگەن دۇنيەنى اقتاپ، قورعاپ شىعا الادى.

№3 ۇلگى
بولمىسىڭىزداعى كوشباسشىلىق قاسيەتتى كورسەتەدى. مۇنداي جانداردىڭ باستى ماقساتى – كەز-كەلگەن قىزمەت سالاسىندا جەتىستىككە جەتۋ. ولاردى تەك ءبىر دۇنيە عانا شارشاتۋى مۇمكىن… بۇل شەكتەن تىس پەرفەكسيونيزم.

تاعى ءبىر قىزىقتى دەرەك: كەيبىر ءۇندى اڭىزدارىندا انالارى ۇلدارىنا اياعىنىڭ ەكىنشى بارماعى ۇزىن قىزدارعا ۇيلەنۋگە رۇقسات بەرمەگەنى ايتىلادى. ونى بيلەپ-توستەۋشى مىنەز بەلگىسى دەپ بىلگەن.

№4 ۇلگى
مۇنداي ادامدار ءۇشىن ومىردەگى ەڭ باستى قۇندىلىق – وتباسى مەن جاقىن دوستارى.  سۋرەتتە كورسەتىلگەندەي ساۋساق يەلەرى ادامداردى ءتۇسىنىپ قانا قويماي، ءوزىن ولاردىڭ ورنىنا قويا بىلەتىن قاسيەتىمەن ەرەكشەلەنەدى. كەيدە ولار ءار نارسەنى جۇرەگىنە جاقىن قابىلدايدى. سوندىقتان مۇنداي ەمپاتيا زيانىن دا تيگىزىپ جاتادى.

№5 ۇلگى
ادام بولمىسىنداعى ءور مىنەزدى بىلدىرەدى. ءبىراق بۇل ادامدار – وزىنە جاۋاپكەرشىلىك الۋعا قۇلىقسىز. مۇنداي بارماق يەلەرىنىڭ جان-دۇنيەسى جۇمباققا تولى ءارى تارتىمدى. دەسە دە ولار – بالا سياقتى اڭعال.

اياعىڭىزعا قاراڭىزشى… ءسىزدىڭ بارماقتارىڭىز نە دەيدى؟