الماتىنىڭ العاباس ىقشاماۋدانىنداعى قيسايعان ۇيدەن وزگە ۇيلەردىڭ تۇرعىندارى دا جانۇشىرا شۋلاپ جاتىر. ولاردا ءبىر كۇنى ءۇيىندىنىڭ استىندا قالامىز با دەپ قورقادى. ايتۋلارىنشا، ونسىزدا ساپاسى كۇماندى ۇيلەردىڭ جەرتولەسىن سۋ باسىپ جاتىر، - دەپ حابارلايدى Qamshy.kz 31-ارناعا سىلتەمە جاساپ.

العاباستاعى ءۇي اپاتتى دەپ تانىلعان سوڭ وزگە تۇرعىن ۇيلەردىڭ دە حالقى قاۋىپتەنە باستادى. اسىرەسە، شاتىرىنان سۋ ءوتىپ، قابىرعاسى قۇلاپ، جەرتولەسى كولشىككە اينالعان ۇيلەردىڭ تۇرعىندارى ءبىزدىڭ شاعىمعا ەشكىم قۇلاق اسپايدى دەپ نارازى.

قۇرمانعالي يماعامبەتوۆ، العاباس تۇرعىنى:

- ءۇيدى جاساماعان عوي، اپىل-عۇپىل جاساي سالعان، ۇكىمەتتىڭ وچەتىندا بار، بولدى. ال حالىق قالاي تۇرىپ جاتىر، ونىمەن ەشكىمنىڭ شارۋاسى جوق.  

بۇل تۇرعىندار 15-20 جىل ءۇيدىڭ كەزەگىندە تۇرىپ جاڭا باسپانالارىنا 2 جىل بۇرىن قول جەتكىزگەن. الايدا قۋانىش كوپكە سوزىلمادى. ساپاسىز قۇرىلىس بىرنەشە ايدا سىر بەرە باستاعان. عيماراتتىڭ ولقىلىقتارى ءوز الدىنا ونىڭ اينالاسىنا ارىق جۇيەسى دۇرىس جۇرگىزىلمەپتى. ءبىر اۋلادا ورنالاسقان 45، 46، 47، 49 ۇيلەردىڭ جەرتولەسىن سۋ باسقان. شاتىردان اققان سۋ دا، كوشەمەن كەلگەن سۋ دا ءۇيدىڭ استىڭعى قاباتىنا جينالادى. وزگە تۇرعىن ۇيلەردىڭ دە جاعدايى ءماز ەمەس.

مۇرات مۇقاشيەۆ، العاباس تۇرعىنى:

- قورقىپ وتىرمىز، ءبىزدىڭ ءۇيىمىز دە بولادى دەگەن جاعداي عوي. سوندىقتان ءبىز ەندى اكيماتقا، ءتورت جىل بولدى، باستاماشى توپ دەگەندى ۇيىمداستىرىپ، سولارمەن ەسىموۆتىڭ الدىنا دا باردىق، بايبەككە دە جازدىق، قۇرىلىس باسقارماسىنا دا باردىق. الاتاۋ اۋدانىنىڭ اكيماتىنا دا باردىق. ەشقانداي قورىتىندى شىقپاي جاتىر.

قانات ەپبەرگەنوۆ، العاباس تۇرعىنى:

- سەيچاس سامي ۋۆيدەلي، تام لۋجي. بولشيە لۋجي. ەتو تو چتو پودسوحلو ەششە. ا تاك دو ەتوگو پو كولەنو ستويالي.

بۇل 34، 35، 36، 37 ۇيلەردىڭ تۇرعىندارى. عيماراتتىڭ استىڭعى بولىگىنە سۋدىڭ جينالۋىن قۇرىلىستىڭ ساپاسىزدىعىمەن عانا بايلانىستىرادى. جاڭا ىقشاماۋدانداعى بارلىق ءۇيدىڭ جاعدايىن تەكسەرۋ قاشان باستالاتىنى بەلگىسىز.

جاراس نيازبەك، ءتىلشى:

- العاباس ىقشاماۋدانىندا 10 شاقتى ءۇيدىڭ جەرتولەسىن ارالاپ كوردىك. بارلىعىندا دەرلىك سۋ دەڭگەيى توبىقتان كەلەدى. تۇرعىنداردىڭ ايتۋىنشا وسى ىقشاماۋدانداعى 60-تاي ءۇيدىڭ جەرتولەسىندەگى جاعداي ورتاق. ەندى تۇرعىندار ءوز باسپانالارىن تولىقتاي تەكسەرۋدى تالاپ ەتەدى.