ەلباسى نۇرسۇلتان نازاربايەۆ اقتوبەدەگى لاڭكەستىك ارەكەتكە بايلانىستى مالىمدەمە جاسادى. پرەزيدەنت 9 ماۋسىمدى جالپىۇلتتىق ازا تۇتۋ كۇنى دەپ بەلگىلەدى، - دەپ حابارلايدى  Qamshy.kz.

«وتكەن جەكسەنبىدە اقتوبە قالاسىندا ءدىننىڭ اتىن جامىلعان ءبىر توپ تەرروريست ەلدىڭ تىنىشتىعىن بۇزدى. (...) مەن قايتىس بولعانداردىڭ وتباسىلارىنا، تۋىس-تۋعاندارىنا شىن جۇرەگىممەن كوڭىل ايتامىن. قازا تاپقان اسكەري قىزمەتكەرلەر وتان الدىنداعى انتىنا ادال بولىپ، ەل قاۋىپسىزدىگى جولىندا وشپەس ەرلىك كورسەتتى. ولاردىڭ ەرلىكتەرى مەملەكەت تاراپىنان لايىقتى باعالاناتىن بولادى. ونىڭ ۇستىنە 4 ازامات قايتىس بولدى، ءبارى اقتوبەنىڭ تۇرعىندارى. سوندىقتان، مەن ەرتەڭگى بەيسەنبى، 9 ماۋسىم كۇنىن جالپىۇلتتىق ازا تۇتۋ كۇنى دەپ جاريالايمىن. قازا بولعانداردىڭ ارتىندا وتباسى، بالا-شاعالارى قالدى. مەنىڭ تاپسىرمام بويىنشا، ولارعا بارلىق قاجەتتى كومەكتەر جاسالۋدا»، - دەلىنگەن ەلباسىنىڭ قاندى وقيعاعا بايلانىستى جاساعان مالىمدەمەسىندە.