ق ر اقپارات جانە كوممۋنيكاسيا ءمينيسترى داۋرەن ابايەۆ اقتوبەدەگى بالالار لاگەرىنە وقۋ اتۋ تۋرالى اقپاراتتى ءتۇسىندىردى، - دەپ حابارلايدى Qamshy.kz Tengrinews.kz – كە سىلتەمە جاساپ.

«اقپارات قۇرالدارىندا اقتوبەدەگى بالالار لاگەرىنە وقۋ اتۋ تۋرالى جاريالانعان اقپاراتتى تۇسىندىرگىم كەلەدى»، - دەپ باستاعان ءسوزىن مينيستر Facebook الەۋمەتتىك جەلىدەگى پاراقشاسىنداعى حابارلامادا.

«وقيعا بىلاي بولعان. ءبىرىنشى. بۇگىن اقتوبەدەگى اۋدانداردىڭ ءبىرىنىڭ تۇرعىندارى پوليسياعا حابارلاسىپ، اتىسقا ۇقساس دىبىستىڭ ەستىلگەنىن حابارلايدى. ءقازىر ەلىمىزدىڭ، اسىرەسە اقتوبە تۇرعىندارى قىراعىلىق تانىتىپ، قارۋلى كۇشتەر قۇرىلىمىنىڭ جۇمىسىنا كومەكتەسىپ جاتىر. كونترتەررورلىق وپەراسيا كەزىندە ازاماتتاردان تۇسكەن كەز-كەلگەن حابارلاماعا قۇقىق قورعاۋ ورگاندارى جەدەل ارەكەت تانىتادى. سونىمەن قاتار، ول تۋرالى اقپارات جەدەل تۇردە ەلدىڭ باسشىلىعىنا جەتكىزىلەدى. ءدال وسى ءسات كامەراعا ءتۇسىرىلىپ، مەملەكەت باسشىسىنىڭ جانە ۇقك ءتوراعاسىنىڭ قاتىسۋىمەن وتكەن سيۋجەتكە ەنگىزىلىپتى. ەكىنشى. سول كەزدە وقيعا ورنىنا جەتكەن جەدەل توپ اتىستىڭ بولماعانىن انىقتادى. بۇل ءجاي عانا بۇزىلعان ءاۆتوموبيلدىڭ داۋسى بولىپ شىقتى»، - دەيدى ابايەۆ.

ول مۇنداي جاعدايدىڭ پاۆلوداردا دا بولعانىن ايتا كەتتى.

يەكى اقپاراتتىڭ تاراتىلعان ۋاقىت ايىرماشىلىعى 40 مينۋت بولعان. مۇنداي دەرەكتى تەكسەرۋگە وسىنشاما ۋاقىتتىڭ كەتەتىنى ءسوزسىز. سوندىقتان دا ارىپتەس-جۋرناليستەرگە مەملەكەتتىك ورگانداردان تۇسكەن حابارلامانى تاراتاتىن كەزدە مۇقيات بولۋعا شاقىرامىن. بارلىعى قاتەلەسەدى. ءبىز ءوز تاراپىمىزدان ب ا ق وكىلدەرىنە حالىققا اقپاراتتى جەتكىزۋ ءۇشىن ارى قاراي قولداۋ كورسەتەمىزي، - دەدى مينيستر.

ءسوز سوڭىندا ول قازاقستاندىقتارعا قۇقىق قورعاۋ ورگاندارىنىڭ جۇمىستارىنا كومەك كورسەتكەنى ءۇشىن العىس ايتتى.