«سامعاپ كەلە جاتقان» كوگىلدىر ءتۇستى كىشكەنە قۇستىڭ وڭايلاتىلعان سۋرەتى Twitterء-دىڭ جاڭا لوگوتيپى بولماق، قۇستىڭ «كوزى» ۇستىڭگى وڭ جاققا قاراتىلدى. بۇل لوگوتيپ قولدانىستاعى ءتورت يكونكانىڭ: «twitter» ءسوزىنىڭ، كۆادراتتاعى «t» ءارپىنىڭ، سونىمەن قاتار وڭعا «قاراپ» تۇرعان وڭايلاتىلعان جانە تولىعىراق سۋرەتتەلگەن كىشكەنە قۇستىڭ ورنىن باسادى. وسى بەلگىلەردىڭ بارلىعى كوگىلدىر تۇستە بەينەلەنگەن، دەپ حابارلايدى لەنتا.رۋ.   جاڭارتىلعان كىشكەنە قۇس قيىلىساتىن ءۇش شەڭبەردىڭ جيىنتىعى، دەلىنگەن بلوگتا. Twitter بۇنى پايدالانۋشىلاردىڭ جەلىلەرى، يدەيالارى مەن قىزۋعىشىلىقتارى ولاردىڭ ارىپتەستەرى مەن دوستارىمەن قيىلىساتىن ۇقساستىق رەتىندە كورەدى.   جاڭا لوگوتيپ جانە ونى پايدالانۋ ەرەجەلەرى ارنايى بەتتە ورنالاسقان. اتاپ ايتقاندا، ەرەجە ەسكى لوگوتيپتەردى قولدانۋعا جانە جاڭاسىن وزگەرتۋگە تىيىم سالادى.   Twitter 2006 جىلى جۇمىس ىستەي باستادى. ناۋرىز ايىنداعى جاعداي بويىنشا قىزمەتتىڭ كۇن سايىن 340 ملن-نان استام جازبانى جاريالايتىن 140 ميلليون بەلسەندى پايدالانۋشىسى بار.