جۇمىسسىز بولعان اقتاۋ تۇرعىنى پاتەرىندە جىلىجاي جاساقتاپ، وندا ەسىرتكى وسىرگەن، دەپ حابارلايدى Qamshy.kz  ماڭعىستاۋ وبلىستىق ءىىد باسپا ءسوز قىزمەتىنە سىلتەمە جاساپ.

ۆەدومستۆو اقپاراتىنشا، 30 جاستاعى ايەل بۇرىن ساۋدا سالاسىندا جۇمىس ىستەگەن. الايدا كەيىن ول ەسىرتكىنى زەرتتەۋ ءادىسىن مەڭگەرىپ، 5-11 مەكەن جايىنداعى پاتەرىن پلانتاسياعا اينالدىرعان.

كورشىلەرىنىڭ سوزىنە قاراعاندا، ولار ايەلدىڭ نە ءوسىرىپ جاتقانىن بىلمەگەن. ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى ازاماتشانىڭ زاڭسىز ارەكەتىن «كوكنار-2016» جەدەل-الدىن الۋ شاراسى كەزىندە انىقتاعان.

ءتىنتۋ كەزىندە ءتارتىپ ساقشىلارى ۇستالعاننان سالماعى 12،44 گراممدى قۇرايتىن  32 قاراسورا ءتۇبىن تاركىلەدى. ايەل ۇيىندە ەسىرتكى ءوسىرۋ ءۇشىن بارلىق جاعداي جاساعان ەكەن. سۋارۋ جۇيەسى جانە اۋا تەمپەراتۋراسىن باقىلاۋ جۇيەسىمەن جاراقتاندىرىلعان.  

«ۇستالعان ا. ازاماتشاسىنا قاتىستى ق ر قك 300-بابى 1ء-بولىمى بويىنشا قىلمىستىق ءىس قوزعالدى. ءقازىر سوتقا دەيىنگى تەرگەۋ امالدارى جۇرگىزىلىپ جاتىر»، - دەدى ماڭعىستاۋ وبلىستىق ءىىد باسپا ءسوز قىزمەتىنەن.