اقمولا وبلىسى ستەپنوگورسك قالاسىنا قاراستى بەستوبە اۋىلىنا كوپتەن كۇتكەن سۋمەن جابدىقتاۋ جۇيەسى ىسكە قوسىلدى. 22 جىلدا العاش رەت تارتىلىپ وتىرعان سۋ قۇبىرىن ءۇش جىلدىڭ ىشىندە «بەستوبە اۋىلىنىڭ سۋمەن جابدىقتاۋ جۇيەسىن قالپىنا كەلتىرۋ» جوباسى اياسىندا جاساپ شىقتى، - دەپ حابارلايدى Qamshy.kz قالا اكىمىنىڭ باسپا ءسوز قىزمەتىنە سىلتەمە جاساپ.

وسى ۋاقىتتا قۇرىلىس كومپانياسى اۋىل اراسىنا 95 شاقىرىم جەلى - 15،2 شاقىرىم توراپتى جانە 79،8 شاقىرىم تاراتۋشى جەلى جۇرگىزگەن. ال بيىلعى جاز بويى قوسۋ-رەتتەۋ جۇمىستارى جۇرگىزىلىپ، تۇرعىن ءۇي سەكتورىنداعى سۋمەن جابدىقتاۋ قۇرالدارى، الەۋمەتتىك ماڭىزى بار نىساندار جوندەلگەن. ول ءۇشىن رەسپۋبليكالىق بيۋدجەتتەن جالپى سوماسى 1 718،9 ملن. تەڭگە قاراجات ءبولىندى.

اۋىل تۇرعىندارى ءۇشىن بۇل كوپتەن كۇتكەن ماڭىزدى وقيعا، سەبەبى 22 جىل بويى بەستوبەلىكتەر ۇڭعىمالاردان سانيتارلىق نورمالارعا ساي ەمەس، ساپاسى ناشار سۋ تاسىپ، ءىشىپ كەلگەن. سۋ قۇبىرىن پايدالانۋعا بەرۋ ارقىلى بەستوبە اۋىلى تۇرعىندارىنىڭ 100 پايىزى ساپالى اۋىز سۋمەن قامتاماسىز ەتىلەدى.