اقتوبەدە ماۋسىم ايىندا "پاللادا" قارۋ-جاراق دۇكەنى مەن №6655 اسكەري بولىمىنە قارۋلى شابۋىلعا قاتىسقان توعىز ادامدى ەكى ايعا قاماۋعا الۋ تۇرىندەگى بۇلتارتپاۋ شاراسى تاڭدالدى، - دەپ حابارلايدى Qamshy.kz Tengrinews.kz -كە سىلتەمە جاساپ.

بۇل تۋرالى اقتوبە وبلىستىق سوتىنىڭ باسپا ءسوز قىزمەتىنىڭ وكىلدەرى رەداكسيانىڭ رەسمي ساۋالىنا بەرگەن جاۋابىندا حابارلادى.

"اقتوبە قالالىق №2 سوتىنا "پاللادا" قارۋ-جاراق دۇكەنى مەن №6655 اسكەري بولىمىنە قارۋلى شابۋىلعا قاتىسقان 16-29 جاس ارالىعىنداعى 9 ادامعا قاتىستى قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى ءوتىنىش كەلىپ ءتۇستى"، - دەلىنگەن جاۋاپتا.

سونىمەن قاتار، باسپا ءسوز قىزمەتىندەگىلەردىڭ ايتۋىنشا، اقتوبە قالالىق №2 سوتىنىڭ تەرگەۋ سۋدياسىنىڭ قاۋلىسىمەن بۇل ادامداردى قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى ءوتىنىش قاناعاتتاندىرىلدى. 2016 جىلدىڭ 8 جانە 14 ماۋسىمىندا 2 اي مەرزىمگە قاماۋعا الۋ تۇرىندەگى بۇلتارتپاۋ شاراسى تاڭدالدى.

ەسكە سالايىق، 5 ماۋسىمدا اقتوبەدە لاڭكەستەر توبى قارۋ-جاراق دۇكەندەرىنە جانە اسكەري بولىمگە شابۋىل جاساعان بولاتىن. قالادا انتيتەرروريستىك وپەراسيا رەجيمى بەلگىلەندى. لاڭكەستەردىڭ شابۋىلىنىڭ سالدارىنان جەتى اجام قازا تاپتى، ولاردىڭ ۇشەۋى اسكەريلەر. 18 لاڭكەستىڭ كوزى جويىلدى.