ساۋد ارابياسى تاق مۇراگەرىنىڭ ورىنباسارى بىرىككەن اراب امىرىكتەرىنىڭ قولداۋىنا يە بولدى. ول اعىمداعى جىلدىڭ اياعىنا دەيىن ساۋد ارابياسىنىڭ كورولى دەپ جاريالانۋى مۇمكىن، - دەپ جازادى Middle East Eye. بۇل تۋرالى Qamshy.kz حابارلايدى.
باسىلىمنىڭ جازۋىنشا ءباا حانزاداسى مۇحاممەد يبن زايەد ان-ناحيان اقش-قا ساۋد ارابياسىنىڭ باسشىلىعىنا لايىقتى تۇلعا رەتىندە مۇحاممەد يبن ساالماندى ۇسىنعان.
سونداي-اق، يبن سالماننىڭ تاققا وتىرۋى ءۇشىن ءۋاححابيزم-سالافيزم بيلىگىن توقتاتۋ تالابى قويىلىپ وتىرعانىن جازادى.
يبن ساالماننىڭ ءوزى دە امەريكاندىق كومەككە ءمۇوتاجدىعىن جازادى باسىلىم.
باسىلىم مۇحاممەد يبن ساالماننىڭ ءقازىردىڭ وزىندە سالافيتتىك ۇستانىمداعى ءدىن قىزمەتكەرلەرىنىڭ ىقپالىن ازايتۋ بويىنشا جوسپاردى جۇزەگە اسىرۋعا كىرىسكەنىن، ءدىني پوليسيانىڭ وكىلەتتىلىگى شەكتەلىپ، راديكالدىق ۇستانىمداعى ءبىرقاتار قايراتكەرلەردىڭ قاماۋعا الىنعانىن جازادى.
الايدا، ءبىرقاتار ساراپشىلار ساۋدياداعى جوعارى عۇلامالار كەڭەسىنىڭ ىقپالى كۇشتى ەكەنىن ايتىپ، ساالماننىڭ جوسپارلارىنىڭ جۇزەگە اسۋ مۇمكىندىگىنە كۇدىكپەن قارايدى.
