الىمجەتتىك ارەكەت اسكەردە عانا ەمەس بالاباقشاعا دا جەتتى. تارازداعى №1 بالاباقشادا نەبارى ەكى جاستاعى ءبۇلدىرشىن كوك الا قويداي سابالعان. كىشكەنتاي ارتەمنىڭ  اناسى بالاسىنىڭ ءولىم اۋزىنان قالعانىن ايتادى، - دەپ حابارلايدى Qamshy.kz 31 ارناعا سىلتەمە جاساپ.

ابدەن تاياق جەگەن بالا باسىن كورپەگە بۇركەنىپ جاتقان جەرىنەن تابىلعان. الا، ارتەمعا "ساۋساعىمىزدىڭ ۇشىن  دا تيگىزبەدىك" دەپ انت-سۋىن ىشكەن تاربيەشىلەر،  بالانى  ۇرعان ءبىز ەمەس دەيدى. ايتۋلارىنشا، ەكى جاستاعى ءبۇلدىرشىندى تەپكىلەگەن ەرەسەك توپتىڭ التى جاستاعى بالاسى.

كوزى كوگەرىپ، قۇلاق شەكەسى مەن بەت-اۋزى تۇگەل قانتالاعان كورىنىس ءتورت كۇن بۇرىن بولعان. دەسە دە جاراقات ءىزى ءالى جازىلماپتى. سوعان قاراپ ارتەمنىڭ اتا-اناسى بالاسى اياۋسىز سوققىنىڭ استىندا قالعانىنا سەنىمدى. سول كۇننەن بەرى ءجيى جىلاۋدى شىعارعان ءبۇلدىرشىن، ءتۇنى بويى تىپىرشىپ شوشىپ وياناتىن بولدى دەيدى اناسى. ال بالا وزىنە ءجابىر كورسەتۋى مۇمكىن ادامنىڭ ەسىمىن جاتقا بىلەدى ەكەن.

فاتيما احمەتوۆا،تاراز قالالىق №1 بالا-باقشاسىنىڭ ادىسكەرى:

- ارينە تاربيەشى كىنالى؟ قاراماعان، بايقاماعان.

بولعان جايدى بالاباقشا باسشىلىعى تەك بولجاپ ايتادى. ويتكەنى تاربيەشىسىنىڭ ءوزى وقىس وقيعا تۋرالى ءار قيلى تۇسىنىك بەردى،- دەيدى اتا-انا. ارتەمنىڭ اناسىنىڭ ايتۋىنشا، ەرەسەك توپتاعى التى جاسار بالا ۇلىن جاتىن بولمەگە اپارىپ سوققىعا جىعۋى مۇمكىن.

ولگا اندرونوۆا، ارتەمنىڭ اناسى:

- ءتۇس الەتىندە تەلەفونىما وسى بالاباقشانىڭ «كۇن شۋاق» توبىندا وقىس وقيعا بولعانى جايىندا تاربيەشى حابارلاسىپ تۇتقانى قويا سالدى. جانۇشىرا جەتكەنىمدە بالامنىڭ بەت-اۋزىندا ساۋ جەرى قالماعانىن كوردىم. تاربيەشى تۇسكى استا ارتەمدى تاپپاي قالعانىن ايتتى. كەلەسى جاتىن بولمەدە باسىن بۇركەنىپ، كورپەگە تىعىلعان كۇيىندە تاۋىپ الىپتى.

ارتەمنىڭ اناسى بۇل جاعداي الدەقايدا ەرتە بولعانىنا سەنىمدى. ءوزىن بولعان ءىس بولىپ، بوياۋى سىڭگەن سوڭ عانا شاقىرعان دەيدى. بالاباقشا قىزمەتكەرلەرىنىڭ جەدەل جاردەم شاقىردىق دەپ جالعان ايتقانىنا اشىنادى. ال ءتارتىپ ساقشىلارىنىڭ ارەكەتى ءتىپتى ىزاسىن تۋدىرعان. ءىستى تەرگەۋدىڭ ورنىنا، جىلى جاۋىپ قويۋعا جاتا-جاستانىپ جالبارىندى،- دەيدى. وقىس جايتتان سوڭ اياق استى بۇلدىرشىندەر ءۇيىنىڭ مەڭگەرۋشىسى ەڭبەك دەمالىسىنا شىعىپ كەتسە، تاربيەشى دەنساۋلىعىنا بايلانىستى كەلۋدى قويىپتى. ال التى جاستاعى بالانىڭ كىشى توپتا نە ىستەپ جۇرگەنى سول كۇيى بەلگىسىز.

فاتيما احمەتوۆا،  ادىسكەر:  

- ونى ماعان دا ايتپاعان، مەڭگەرۋشىگە دە ايتپاگان. ءوزىم بىلەمدىلىككە سالعان.

ارتەمنىڭ اناسى سالا ماماندارىنىڭ سالعىرتتىعىنان بالام پسيحولوگيالىق سوققى الدى دەيدى. باسقا بالانىڭ باسىندا قايتالانباس ءۇشىن جاۋاپتىلاردىڭ جۇمىستان كەتۋىن تالاپ ەتەدى. ءقازىر بۇل ىسپەن پروكۋراتۋرا اينالىسۋدا.