پوليسەيدىڭ بەتىنە ءزار شاشقان جۇرگىزۋشى قىلمىستىق كودەكستىڭ 6 بابى بويىنشا سوت الدىندا جاۋاپ بەرەدى، - دەپ حابارلايدى Qamshy.kz Tengrinews.kz -كە سىلتەمە جاساپ. 

"قىلمىستىق ءىس سوت ءتوراعاسى مارات كوكىشيەۆتىڭ قاراۋىنا ءتۇستى. پروسەسس ءالى تاعايىندالمادى، سەبەبى سوتتالۋشىنىڭ ادۆوكاتى ەلۋبايەۆتىڭ (سوتتالۋشى - اۆت.) اۋىرىپ جاتقانىنى ايتتى. ول قىلمىستىق كودەكستىڭ التى بابى بويىنشا سوت الدىنا كەلەدى. ولار: "بۇزاقىلىق" بابىنىڭ 1-بولىگى، "بيلىك وكىلىنە باعىنباۋ" بابىنىڭ 1-بولىگى، "بيلىك وكiلiن قورلاۋ" بابىنىڭ 1-بولىگى، "بيلىك وكiلiنە قاتىستى كۇش قولدانۋ" بابىنىڭ 1-بولىگى، "بۇزاقىلىق" بابىنىڭ 2-بولىگىنىڭ 2-تارماعى"، - دەپ حابارلادى سوتتىڭ كەڭسەسىندەگىلەر.

سوتتالۋشى قايرات ەلۋبايەۆ ءوز كىناسىنىڭ جوقتىعىن ايتىپ وتىر. ول پوليسەيگە ءزار شاشپاعانىن مالىمدەدى. "قاجەت بولسا مەن بيولوگيالىق ساراپتامادان وتە الامىن"، - دەپ مالىمدەدى ەلۋبايەۆ. ءقازىر ول بوستاندىقتا. ول كەپىلاقىمەن بوساتىلعان ەدى. 

ەكس-پوليسەي تولەگەن يگىبەكوۆ سوتتاسىپ، جۇمىسقا قايتا تۇرۋعا جانە شارتتى تۇردەگى جازا مەرزىمىنەن قۇتىلۋعا تىرىساتىنىن حابارلادى. "مەن كاسساسيالىق شاعىم دايىندادىم، تاياۋدا سوتقا جولدايمىن. جۇمىسىما ورالعىم كەلەدى، مەن قىزمەتتىك مىندەتىمدى اتقاردىم عوي. ەلۋبايەۆقا كەلسەك، وندا مەنىڭ ءىسىم جوق. ونى سوت جازالاسىن"، - دەپ مالىمدەدى يگىبەكوۆ. ول ازىرشە جۇمىسقا تۇرماعانىن ايتتى. ايتۋىنشا، شارتتى مەرزىمدەگى جازاسى بار ادامعا جۇمىس تابۋ قيىن.

ەسكە سالايىق، قالالىق جول-پاترۋلدىك پوليسياسىنىڭ قىزمەتكەرى ماس جۇرگىزۋشىنى شاپالاقپەن ۇرعانى ءۇشىن سوتتالعان بولاتىن. جۇرگىزۋشى قانىندا تابىلعان الكوگولدى كورسەتكەن كۋالاندىرۋ قورىتىندىلارىمەن كەلىسپەي، ءزارىن سەرجانتقا شاشىپ جىبەرگەن. وسى كەزدە سەرجانت ونى شاپالاقپەن ۇرعان. كەيىن پوليسەي بەس جىلعا شارتتى تۇردە سوتتالعان ەدى. ىشكى ىستەر ءمينيسترى قالمۇحامەت قاسىموۆ بەتىنە ءزار شاشىلعاننان كەيىن جۇرگىزۋشىنى شاپالاقپەن ۇرعانى ءۇشىن بەس جىلعا سوتتالىپ كەتكەن جەزقازعاندىق پوليسەيدىڭ ءىسى بويىنشا جوعارعى سوتقا حات جازعانىن ايتقان بولاتىن.