وسىدان ءدال ءبىر اپتا بۇرىن 31 مامىردا قازاقستاندىق باق-تار الماتى وبلىسىنداعى «ارقانكەرگەن» شەكارا بەكەتىندە وننان اسا شەكاراشىنىڭ قازا تاپقانى جايلى سۋىت حابار تاراتتى. سول كۇنى بۇرىن -سوڭدى ەشقاشان بولماعان جانە ءالى كۇنگە دەيىن ناقتى انىقتالماعان قايعىلى جاعدايعا بايلانىستى العاشقى رەسمي مالىمدەمە جاسالدى.
«قازىرگى ۋاقىتتا جانىپ كەتكەن 13 ادامنىڭ، پوستتىڭ جانىندا ورنالاسقان اڭشىلىق شارۋاشىلىعى قورىقشىسىنىڭ دەنەلەرى تابىلدى. ۇقك جانە ءىىو، شەكارا قىزمەتىنىڭ كۇشىمەن جەدەل ىزدەستىرۋ شارالارى جۇرگىزىلۋدە»، - دەدى ارنايى ۇيىمداستىرىلعان بريفينگ بارىسىندا ق ر ۇقك شەكارا قىزمەتى ديرەكتورىنىڭ ءبىرىنشى ورىنباسارى تۇرعانبەك سماتبەكوۆ. سول كۇنى ۇقك باسپا ءسوز قىزمەتى جازعى ۋاقىتتا 15 شەكاراشى كۇزەتكەن ورىنداعى عيماراتتىڭ ۇيىندىسىنەن ولاردىڭ قارۋ -جاراقتارى تابىلعانىن مالىمدەدى. كەلەسى كۇنى، 1 ماۋسىمدا جانتۇرشىگەرلىك وقيعاعا قاتىستى تاعى ءبىر مالىمەت جاريالاندى. شەكارا بەكەتىندە تاعى ەكى ساربازدىڭ سۇيەگى تابىلدى، دەپ حابار تاراتتى ۇلتتىق قاۋىپسىزدىك كوميتەتى شەكارا قىزمەتىنىڭ باسپا ءسوز قىزمەتى. كەيىنىرەك «تاعى ءبىر قازا تاپقان اسكەري قىزمەتشىنىڭ مۇردەسى بەكەتتەن ءجۇز مەتر جەردەن تابىلعان. ونىڭ باس كيىمى، ۇستىندە جىلى كۇرتەشەسى جانە دۇكەنگە ارنالعان سومكەسى بولعان» دەگەن اقپارات جەتتى. شەكارا بەكەتىندەگى ازاماتتاردىڭ جاپپاي قازا تاپقانى بۇحارا حالىقتى الاڭداتقانى انىق. بارلىعىنىڭ ويىندا جالعىز ساۋال –مۇنداي قىلمىستى كىمنىڭ جاساۋى مۇمكىن جانە تاعى ءبىر شەكاراشىنىڭ تاعدىرى نە بولدى... ورىن العان وقيعاعا بايلانىستى مەملەكەت باسشىسى نۇرسۇلتان نازاربايەۆ قۇقىققورعاۋ ورگاندارى باسشىلارىمەن كەزدەسىپ، بۇل جاعدايدى «تەرروريستىك اكتى» دەپ اتاپ ءوتتى. «مەن بۇل وقيعانى تەرروريستىك اكتى دەپ ەسەپتەيمىن. بۇل ىشكى قاقتىعىستىڭ ناتيجەسىندە بولۋى مۇمكىن. ءبىراق بۇل تۋرالى ايتۋعا ءالى ەرتە. قازىرگى بەلگىلى مالىمەتتەر بويىنشا شەكاراشىلاردىڭ كازارماسى مەن وفيسەرلەر تۇراتىن ءۇي ورتەنگەن، قازا بولعانداردىڭ ءمايىتى سول ورتەنگەن ۇيلەردىڭ استىنان تابىلدى. مۇنداي وقيعالار بەيبىتشىلىك جاعدايىندا بولۋدىڭ ءمان-جايى نەدە ەكەنىن ءبىز ءالى تەكسەرەتىن بولامىز»، دەپ اتاپ كورسەتتى پرەزيدەنت. سونداي –اق، مەملەكەت باسشىسى ماسەلەنىڭ انىق-قانىعىن تەرگەۋ ءۇشىن ارنايى كوميسسيا قۇرىلعانىن جەتكىزدى. توتەنشە وقيعاعا بايلانىستى باس اسكەري پروكۋراتۋرا قىلمىستىق ءىس قوزعادى. ورتالىق جانە جەرگىلىكتى قۇقىق قورعاۋ ورگاندارى ءمان-جايدى انىقتاۋ جانە بولجانعان قىلمىسكەرلەردى ۇستاۋ ءۇشىن بارلىق قاجەتتى جۇمىستاردى جۇرگىزۋدە» دەدى مەملەكەت باسشىسى. اسكەري پروكۋراتۋرا قىلمىستىق ءىس قوزعادى، ۇكىمەتكە وپات بولعان شەكاراشىلاردىڭ وتباسىنا قولداۋ كورسەتۋگە تاپسىرما بەرىلدى. سوت- مەديسينالىق ساراپتاما ناتيجەسىندە شەكاراشىلاردىڭ سۇيەگىنەن الكوگول تابىلماعانىبەلگىلى بولدى. «ءقازىر استانادا جاسالعان سوت-مەديسينالىق ساراپتاما ناتيجەسىندە «ارقانكەرگەن» شەكارا بەكەتىندە قازا تاپقان بارلىق اسكەريلەردىڭ جانە قورىقشىنىڭ سۇيەگىنەن الكوگول تابىلماعانى بەلگىلى بولدى»، دەپ حابارلادى ق ر ۇقك شق. ون بەسىنشى شەكاراشىنىڭ تاعدىرى سوڭعى ۋاقىتقا دەيىن بەلگىسىز بولىپ كەلدى. ق ر پرەزيدەنتى شەكاراشىلاردىڭ قازاعا ۇشىراۋىنا بايلانىستى 5 ماۋسىمدى ۇلتتىق ازا تۇتۋ كۇنىدەپ جاريالادى. وسى كۇنى الماتى وبلىسىنداعى «ارقانكەرگەن» شەكارا بەكەتىندە قازا تاپقان شەكاراشىلاردىڭ قاي وڭىرلەردەن شاقىرىلعانى جاريالاندى. كەيىنىرەك ق ر ءىىم ق.قاسىموۆ كۇننىڭ باستى جاڭالىعىن حابارلادى: «كەشە كەشكە قاراي قىستاقتاردىڭ بىرىنەن 15ء-شى شەكاراشى تابىلدى. ول ازاماتتىق كيىمدە بولدى. ودان جاۋاپ الىندى، تۇسىنىكتەمە بەردى. تەرگەۋ جۇمىستارىنا كەدەرگى كەلتىرمەس ءۇشىن انىق-قانىعىن ايتا المايمىن. ونىڭ بەرگەن جاۋابى تەكسەرىلىپ جاتىر. تەرگەۋ جۇرگىزىلۋدە، ونىڭ پسيحيكالىق جاي-كۇيىن دە تەكسەرەمىز. مەنىڭ ويىمشا، بۇل جاعداي ىشكى ماسەلەلەرمەن بايلانىستى دەگەن بولجام راستالاتىن سياقتى. ول كومانديردىڭ قارۋىمەن ۇستالىپ وتىر، سول كۇنى كەزەكشىلىكتە بولعان، وسىنىڭ ءبارىن ول ءوزى ايتىپ، ءتۇسىندىرىپ وتىر»، - دەپ قوستى ول. وسىدان كەيىن حالىققا ۇقك «ارقانكەرگەن» بەكەتىندە قازاعا ۇشىراعان شەكاراشىلىردىڭ ءتىزىمى بەلگىلى بولدى. ءورتتىڭ شىعۋ سەبەپتەرىن تەكسەرۋ ءۇشىن ساراپتاما تاعايىندالدى. «ءبىز سوت ساراپتاما جۇمىسىمەن بايلانىستى ورت-تەحننيكالىق ساراپتاما جۇرگىزىپ جاتىرمىز. ءبىز قانداي دا ءبىر بولجام ايت المايمىز، ءبىز بار بولعانى وسى سالاداعى بىلىكتىلىگىمىزدى كورسەتەمىز. ساراپتاما جاقىن كۇندەرى اياقتالادى، ايتا كەتۋ كەرەك قالىڭ ءورتتىڭ سالدارىنان ءبىرقاتار نىساندار، توق سىمدارى دا جالىننىڭ شارپۋىنا ىلىككەن. ساراپتاما جۇمىستارى وسىنىڭ سالدارىنان قيىنداي ءتۇستى»، دەدى سوت ساراپتامالىق ورتالىعىنىڭ ديرەكتورى بوكەنباي بيشمانوۆ. سونداي- اق، ول 8 ماۋسىمعا قاراي ساراپتاما قورىتىندىسى بەلگىلى بولاتىنىن جەتكىزدى. ب ا ق كۇن سايىن اتى شۋلى وقيعاعا قاتىستى راستالماعان دەرەكتەردى جارىسا جاريالادى. اتى ء-جونى بەلگىسىز دەرەككوز ۆلاديسلاۆ چەلاح دەگەن قاتارداعى جاۋىنگەردىڭ ارىپتەستەرىن قىرىپ سالعانىن، ءقازىر ول تۇسىنىك بەرىپ جاتقانىن مالىمدەدى. قوعامدا ءتۇرلى بولجام ايتىلىپ جاتقاندا، شەكاراشىلارمەن بىرگە قازا تاپقان 47 جاسار قورىقشى رۋسلان كيمنىڭ دەنەسى جەر قويناۋىنا تاپسىرىلدى. ق ر باس پروكۋرورىنىڭ ورىنباسارى يوگانن مەركەل ب ا ق وكىلدەرىنە شىدامدىلىق تانىتىپ، رەسمي اقپارات كۇتۋگە شاقىردى. ءقازىر قازاقستاننىڭ ءار تۇكپىرىنەن قازاعا ۇشىعارعان شەكاراشىلاردىڭ وتباسىلارىنا كومەك كورسەتىلۋدە. شەكاراشىلار ارىپتەستەرىنىڭ وتباسىلارىنا ماتەريالدىق كومەك كورسەتۋ ءماقساتىندابىر كۇندىك جالاقىلارىن اۋدارىپ، 30 ملن تەڭگە جينادى. الماتى وبلىستىق اكىمشىلىگىنىڭ شەشىمىمەن كەلىسىم شارتپەن اسكەردە بولعان ءۇش ازاماتتىڭ وتباسىنا 1 ملن تەڭگە كولەمىندە كومەك كورسەتۋشە شەشىم قابىلداندى. سونىمەن قاتار، اقتوبە وبلىسىنان اسكەر قاتارىنا شاقىرىلعان اعاناس قامبار مەن ءالي ماقسۇتوۆتىڭ وتباسىنا دا وسىنشا مولشەردە كومەك بەرىلدى.
دەرەك: Bnws.kz
پىكىر قالدىرۋ