اقتوبەدە وتكەن اپتادا دۇنيەگە كەلگەن ءتورت اياقتى بالانىڭ جىنىسى انىقتالماي جاتىر، - دەپ حابارلايدى Qamshy.kz Aktobetimes.kz -كە سىلتەمە جاساپ. 

وتكەن اپتادا ومىرگە ءتورت اياقتى نارەستە كەلدى. ال جەتىلمەي قالعان ەگىزىنىڭ كەي اعزالارى ونىڭ دەنەسىنە جابىسىپ تۋعان.

"ءيا، بالادا ءتورت اياق بار. وندا دامۋ كەمشىلىكتەرى كوپ. بالانىڭ جىنىسى تۋرالى ءدوپ باسىپ ايتۋ دا ازىرگە مۇمكىن ەمەس، ونىڭ ۇستىنە بۇل باستاپقى قاجەتتىلىك ەمەس"، - دەيدى وبلىستىق بالالار كلينيكالىق اۋرۋحاناسىنىڭ باس دارىگەرى نۇرلان قوجين.

بەيسەنبى كۇنى نارەستەگە التى كۇن بولادى. ءسابيدىڭ ءومىرىن ۇزارتقان وتا – كولوستوميا بولدى. بالا ءالى جانساقتاۋ بولىمىندە. ال اياقتارىنا وتا جاساۋ ازىرگە ەرتە.

ونىڭ نە سەبەپتى بۇلاي دۇنيەگە كەلگەنى بەلگىسىز. بۇعان ەكولوگيا دا، اناسىنىڭ جۇكتىلىك كەزىندە سىرقاتتانۋى دا اسەر ەتكەن بولۋى مۇمكىن. سەبەبى وبلىستا اۋىتقۋشىلىقتارمەن دۇنيەگە كەلگەن سابيلەردىڭ سانى ارتىپ كەتكەن.