اقتوبەدە سوت قالا تۇرعىنى سەرىك ارىستانوۆتى ۇيىمداستىرىلايىن دەپ جاتقان تەراكت تۋرالى بىلسە دە، بۇل تۋرالى حابارلاماعانى ءۇشىن ەكى ايعا قاماۋعا الدى، - دەپ حابارلايدى Qamshy.kz Tengrinews.kz -كە سىلتەمە جاساپ.

قىلمىستىق ءىستىڭ ماتەريالدارىنا سىلتەمە جاساعان باسىلىمنىڭ مالىمەتىنشە، تەراكت بولعان كۇنى (2016 جىلدىڭ 5 ماۋسىمىندا - اۆت.) ارىستانوۆ 45 راديكالدىڭ ىگىندە بولعان، ولار ەسەت باتىر كوشەسىندەگى جالدامالى پاتەرگە بارعان. سول ۇيدە دايش-تىڭ مۇشەسى "شەيح ءادنانيدىڭ" جازبالارىن تىڭداعاننان كەيىن 25 ادام "قارۋلى جيھاد" جاساۋعا كەلىسىم بەرەدى. ولاردىڭ ىشىندە ارىستانوۆ تا بولعان.  

"پاتەردەن شىققاننان كەيىن دميتريي تاڭاتاروۆ (تەراكتىگە بەلسەندى قاتىسۋشىلاردىڭ ءبىرى - اۆت.) "پاللادا" قارۋ-جاراق دۇكەنىنە شابۋىلدىڭ جوسپارىن ايتقان جانە اركىمگە ءتيىستى رولدەردى بەلگىلەپ بەرگەن. وسىدان كەيىن تاڭاتاروۆ باستاعان توپ "پاللادا" دۇكەنىنە قاراي كەتكەن. ارىستانوۆ سولارمەن بىرگە بولعان، الايدا قارۋ-جاراق دۇكەنىنە كىرەبەرىستە ول رايىنان قايتىپ، قىلمىس جاساۋدان باس تارتقان. وسىلايشا، اقتوبەلىك ءتارتىپ ساقشىلارىنىڭ ايتۋىنشا، ارىستان قىلمىستىق جاۋاپكەرشىلىك ارقالايتىنىن ءبىلىپ، تەرروريزم اكتىسى تۋرالى الدىن الا بىلسە دە، بۇل قىلمىس تۋرالى قۇقىق قورعاۋ ورگاندارىنا حابار بەرمەگەن"، - دەپ جازادى باسىلىم. 

ارىستانوۆقا قاتىستى ق ر قىلمىستىق كودەكسىنىڭ 434-بابى بويىنشا ("قىلمىس تۋرالى حابارلاماۋ") قىلمىستىق ءىس قوزعالدى. بۇل باپ بويىنشا التى مىڭ ايلىق ەسەپتىك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە التى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.

"دياپازون" گازەتىنىڭ مالىمەتىنشە، سەرىك ارىستانوۆ 28 جاستا. ول تەپلوۆوز ءماشينيسى بولىپ جۇمىس ىستەگەن. ەر ادام 29 تامىزعا دەيىن قاماۋدا بولادى.