پاۆلوداردا ءبىر اي بۇرىن جوعالعان باۋىرجان نۇرمۇحامبەتوۆتى اقش-تاعى باقسىنىڭ كومەگىمەن ىزدەستىرىپ جاتىر، - دەپ حابارلايدى Qamshy.kz pavlodarnews.kz -كە سىلتەمە جاساپ.

ەرىكتىلەردىڭ ايتۋىنشا، جىگىتتى وسىدان بىرنەشە كۇن بۇرىن پاۆلودار اۋدانى ميچۋرين مەن سىچيەۆكا اۋىلدارىنان ىزدەگەن.

“باۋىرجاننىڭ قاي جەردە جۇرگەنى جايلى بىزگە اقش-تاعى باقسى بايانداپ بەردى. شتاتتاردا تۇراتىن پاۆلودارلىق ەرىكتىنى تاۋىپ الدىق. ول قوسىمشا اقپارات الۋ ءۇشىن باقسىنىڭ كومەگىنە جۇگىنگەن. قازىرگى تاڭدا كورىپكەل ايتقان جەرلەردە باۋىرجاندى ىزدەستىرىپ جاتىرمىز. ازىرگە ءدال قاي جەردە جۇرگەنىمىزدى ايتا المايمىز، – دەدى ەرىكتى.

ەستەرىڭىزگە سالا كەتسەك، 20-جاستاعى جىگىتتى ىزدەستىرۋگە ەرىكتىلەر مەن پوليسيا قىزمەتكەرلەرىنەن باسقا، قازاقستاندىق كورىپكەلدەر دە قوسىلعان بولاتىن. ولاردىڭ ايتۋىنشا، باۋىرجاندى پاۆلودار وبلىسىنىڭ كاچير اۋدانى مەن استانا قالاسى ماڭىنان ىزدەستىرىپ كەلگەن، ءبىراق ءالى دە ەش ناتيجە جوق. وسىدان ەكى اپتا بۇرىن باۋىرجاننىڭ اتا-اناسى بەينەحابارلاما جولداعان بولاتىن.