قوعام قايراتكەرى، بەلگىلى جۋرناليست ساۋلە مەشىتباي قىزى قازاق قىز-كەلىنشەكتەرىنىڭ بۇگىنگى احۋالىنا الاڭداپ، وتاندىق باسپاسوزدە ۇلكەن ماسەلە كوتەردى. «كوكەك انا» كوبەيمەس ءۇشىن، تاستاندى بالا وربىمەس ءۇشىن، قازاق قىزىنىڭ قۇنى ارزانداماس ءۇشىن، وتباسى دەگەن كيەلى دۇنيە شايقالماس ءۇشىن ول كىسى بۇگىنگى قوعامعا قاجەتتى ءۇش كەرەكتى اتادى. قازاقتىڭ قىزى مەن ۇلىن بولەك وقىتۋ كەرەك!
بۇل ويىن جۋرناليست elana.kz سايتىندا جاريالاعان، - دەپ حابارلايدى Qamshy.kz.
«مىڭ جەردەن جاھاندانۋ جاعادان الدى دەگەن كۇننىڭ وزىندە، وسىلاي. اپىراي، ءبىز قايدا كەتىپ بارامىز، وسى؟ تاستاندى بالالاردىڭ دەنى قارا كوزدەر، بالالار ۇيىندەگى قارا دومالاقتار قانشاما؟ وسىنىڭ سەبەپ-سالدارىن ىزدەپ، بولاشاق انالار تاربيەسىنە نەگە تەز ارادا كىرىسپەيمىز؟
مەنىڭ كوپتىڭ تالقىسىنا تاستاعىم كەلگەنى — قىزدارىمىزدى بولەك وقىتۋعا كۇش سالۋ. بۇل جاڭالىق ەمەس.
قانى ءبىر، جانى ءبىر، ءدىنى مەن ءتىلى ءبىر تۇرىك باۋىرلارىمىزدىڭ باستاماسىمەن اشىلعان قازاق-تۇرىك ليسەيلەرىنىڭ كوپتەپ اشىلۋى دا قىزدارىمىز بەن ۇلدارىمىزدىڭ ورەسىن وسىرەرى ھاق. ويتكەنى از جىلدىڭ وزىندە وسى ليسەيدى بىتىرگەن تۇلەكتەر ءبىلىم پاراساتىمەن كوپشىلىككە تانىمال. ادەپ، يبا جاعىنان دا وزدەرىن مويىنداتىپ ۇلگەردى.
جاعدايى كەلىپ تۇرسا، ۇرپاق ءۇشىن ەكىنشى ايەل الۋدى زاڭداستىرۋ كەرەك!
قالتالى بيلىكتەگى كەي ازاماتتار (اتىن اتاپ، ءتۇسىن تۇستەمەي-اق قويالىق) توقالدارىنا ءۇي، ماشينا ت.ب. الىپ بەرىپ، بار جاعدايىن جاساعانداي كەيىپ تانىتىپ ءجۇر.
ال كىندىگىنەن وربىگەن ۇرپاعىنا اتا تەگىن بەرۋگە ءتۇرلى سىلتاۋلار ايتىپ قاشقاقتايدى. بۇل جاس توقالدىڭ ءومىرىن وكسىتىپ، پەرزەنتتەرىن ءتىرى جەتىم ەتكەنمەن بىردەي ەمەس پە؟ ەشقانداي دۇنيەگە ايىرباستالمايتىن اكەلىك ماحابباتتى قايدا قويامىز؟ الگىندەي ەركەكتەر دۇنيەگە كەلگەن بالاسىن پەرزەنتحانادان الىپ شىعۋدان قورقادى.
بالاعا اكەنىڭ نىسپىسىن بەرۋگە، بالاعا بار جاعدايدى جاساۋعا ەرەكشە تالاپ قويىلۋى كەرەك. ونى ورىنداماعان جاعدايدا قىزمەتىنەن قۋىلىپ، قاتاڭ جازالار قولدانىلسا.
شەتەلدىكتەر الاتىن قىزدىڭ قۇنىن بەلگىلەۋ كەرەك!
شەتەلدە وقىعان قىزداردىڭ نامىسسىزدىعىنان «جيەندەرىمىز» الەمنىڭ تۇكپىر-تۇكپىرىندە كوبەيىپ كەلەدى. كۇلەمىز بە، جىلايمىز با؟ قازاق قىزدارىنىڭ قۇنى نەگە سونشالىقتى ارزانداپ كەتتى، اعايىن؟ مىسالى، مىسىردا جات جۇرتتىڭ قىزىن الاتىن بولسا، 100 مىڭ اقش دوللارىن سۇرايدى. وزگە دە ەلدەردىڭ قىزدارى التىننان ارداقتى.
ال ءبىزدىڭ قىزدارىمىز تىشقاق لاق قۇرلى جوق پا؟ كىم كورىنگەن پايدالانادى، ەلىنە جەتەكتەپ الىپ كەتە بەرەدى. ياعني ونداي كۇيەۋ بولعىسى كەلگەندەرگە زاڭ جۇزىندە توسقاۋىل قويۋ قاجەت. مىسىر، نەمەسە تۇركىمەنستان سياقتى قىمبات باعا قويالىق”،-دەيدى قوعام قايراتكەرى.
