قاراعاندى قالاسىندا كۇنى كەشە اقتاس اۋىلىنان جوعالىپ كەتكەن كامەلەتتىك جاسقا تولماعان 2بالا تابىلدى، - دەپ حابارلايدى Qamshy.kz قاراعاندى وبلىستىق ءىىد باسپا ءسوز قىزمەتىنە سىلتەمە جاساپ.
«جەدەل ىزدەستىرۋ شارالارى بارىسىندا ساران قالالىق ءىىب-نىڭ كريمينالدىق پوليسيا قىزمەتكەرلەرى اقتاس اۋىلىنىڭ ەكى كامەلەتكە تولماعان بالالارىن قاراعاندىدان تاپتى»، - دەدى وبلىستىق ءىىد باسپا ءسوز قىزمەتىنىڭ جەتەكشىسى باقىتجان قۇدياروۆ.
بالالاردىڭ ۇيدەن كەتىپ قالۋ سەبەبى مەن ولاردىڭ قاراعاندى قالاسىنا قالاي جەتكەندىگى ازىرگە بەلگىسىز. «مۇنىڭ بارلىعى دا انىقتالاتىن بولادى»، - دەدى باسپا ءسوز قىزمەتىنىڭ جەتەكشىسى.
بۇعان دەيىن حابارلانعانداي، 6 شىلدە كۇنى قاراعاندى وبلىسىنا قاراستى اقتاس اۋىلىنان 10 جانە 11 جاستاعى ەكى بالا جوعالىپ كەتكەن بولاتىن. ولار ءتۇس اۋا ۇيلەرىنىڭ اۋلاسىنان شىعىپ كەتىپ، قايتىپ ورالماعان. بالالاردى ىزدەۋ جۇمىستارىمەن پوليسيا قىزمەتكەرلەرىمەن قاتار ەرىكتىلەر دە اينالىستى.
