ينتەرنەتتە بتا بانكىنىڭ بۇرىنعى باسشىسى مۇحتار ءابليازوۆتىڭ 2005-2009 جىلدار اراسىندا بانكتەن جىمقىرعان ميللياردتاعان قاراجاتى تۋرالى تۇسىرىلگەن "سينديكات ابليازوۆا" دەرەكتى ءفيلمى پايدا بولدى، - دەپ حابارلايدى Qamsahy.kz Tengrinews.kz -كە سىلتەمە جاساپ.

ءابليازوۆتىڭ جالپى شىعىنى كەم دەگەندە 6 ميلليارد دوللار ەكەنى انىقتالدى. ۇلىبريتانيالىق دەتەكتيۆتەردىڭ ءبىرىنىڭ ايتۋىنشا، ول مۇنداي ىسپەن 30 جىلدىق مانسابىندا ءبىرىنشى رەت كەزدەسىپ وتىر.

فيلمدە انتيكوررۋپسيالىق ۆەدومستۆونىڭ قازاقستاندىق وكىلىنىڭ سۇحباتى كەلتىرىلەدى. وندا ول اقشانىڭ ۇرلانعانىن ەكونوميكالىق داعدارىس كەزىندەگى تەكسەرۋلەردىڭ ناتيجەسىندە انىقتاعانىن ايتادى. دەرەكتى ءفيلمنىڭ اۆتورلارىنىڭ ايتۋىنشا، فيلمدە جاسىرىن UKB6 دەپارتامەنتى تۇسەدى. "بانك ىشىندەگى بانك" دەپارتامەنتىنىڭ ءرولى - نەسيە مەن وپەراسيالاردى جاۋىپ، وتىنىشتەردى قابىلداۋ. ال بانكتىڭ ۇرلانعان قاراجاتىن ىزدەستىرۋمەن اينالىساتىن Hogan-Lovells كومپانياسىنىڭ كريس حاردمەن ەسىمدى زاڭگەرىنىڭ ايتۋىنشا، UKB6 كەڭسەلەرى باسقا قاباتتاردا ورنالاسقان جانە ولاردا ءوز قاۋىپسىزدىك جۇيەسى بولعان.

سونىمەن قاتار، فيلمدە ءتورت جىل بويى، ياعني 2005 جىلدان بەرى 200 جوبادان بانكتەن نەسيە الۋعا ءوتىنىش كەلىپ تۇسكەن، ولاردىڭ ىشىندە ءجۇز ميلليون دوللارعا دەيىن نەسيە الۋعا ءوتىنىش بىلدىرگەندەر دە بولعان. قۇقىق قورعاۋ ورگاندارىنىڭ مالىمەتىنشە، بۇل الاياقتىق ىسكە 30 000 مىڭنان اسا كومپانيا قاتىسقان. ايتا كەتەيىك، دەرەكتى ءفيلمنىڭ رەجيسسەرى - مارك حيرست، ال پروديۋسەرى - يان فەرگيۋسون. كارتينا Ginger Smith Production كومپانياسىنىڭ كومەگىمەن تۇسىرىلگەن.