كورەرمەندەر رەجيسسەر رۇستەم ءابدىراشوۆتىڭ "قازاق ەلى" ("كازاحسكوە حانستۆو") ءفيلمىن تاۋەلسىزدىك كۇنىنە وراي 16 جەلتوقساندا كورە الادى، - دەپ حابارلايدى Qamshy.kz Tengrinews.kz -كە سىلتەمە جاساپ.

"كوپسەريالى تەليەۆيزيالىق كوركەم ءفيلمنىڭ ءتۇسىرىلىمى بىلتىر اياقتالدى. قازىرگى ۋاقىتتا "قازاقفيلم" كينوستۋدياسىندا "قازاق ەلى" تولىقمەتراجدى ءفيلمىنىڭ قوسىمشا ءتۇسىرىلىم جۇمىستارى ءجۇرىپ جاتىر. سونىمەن قاتار، ءتۇسىرىلىم توبى كينونى مونتاجداۋعا كىرىستى. كومپيۋتەرلىك گرافيكامەن دە جۇمىس باستالدى. ءفيلمدى وڭدەۋگە رەسپۋبليكالىق بيۋدجەتتەن 1 475 205 مىڭ تەڭگە ءبولىندى"، - دەلىنگەن ساۋالناماعا بەرىلگەن جاۋاپتا.

وسىعان دەيىن جوبانىڭ پروديۋسەرى ارمان اسەنوۆ سەريالدىڭ بيۋدجەتى سەنارييدىڭ قىسقارتىلۋىن قوسا ەسەپتەگەندە شامامەن ەكى ميلليارد تەڭگە بولعانىن ايتقان ەدى

ايتا كەتەيىك، ءفيلمنىڭ ماسشتابتى تۇسىرىلىمدەرى قاراشادا شوشاناي اۋىلىندا (شونجى اۋىلىنا جاقىن جەردە) بولعان. فيلمگە 200 ادام، 150 جىلقى مەن 10 تۇيە تۇسىرىلگەن. كەيىننەن ءفيلمنىڭ تۇسىرىلىمدەرى قاپشاعاي مەن "قازاقفيلم" اۋماعىندا بولعان.

نازاربايەۆتىڭ باستاۋىمەن قازاق حاندىعىنىڭ 550-جىلدىعىنا "قازاق ەلى" كوركەم سەرياسىنىڭ جوباسى قولعا الىنعان بولاتىن. فيلمدە قازاق حاندىعىنىڭ قازىعىن قاققان كەرەي مەن جانىبەك تۇسىنداعى XV عاسىرداعى كوشپەندى قازاق مادەنيەتى سيپاتتالادى.

ءتۇسىرىلىم توبىنىڭ وكىلدەرىنىڭ ايتۋىنشا، ءفيلمدى تۇسىرۋگە دەمەۋشى بولعانداردىڭ قاراجاتى تەلەسەريالدىڭ دۋبلياجىنا، سيمفونيالىق وركەسترمەن ءان جازۋعا جانە كينو نۇسقا وڭدەۋگە جۇمسالادى. سونداي-اق، كەز كەلگەن قازاقستاندىق بۇل جوباعا سايتتاعى كراۋدفاندينگ ارقىلى كومەكتەسە الادى. قازىرگى ۋاقىتتا كورەرمەندەر 101 295 920 تەڭگە جينادى. اقشا جيناۋ ءالى دە جالعاسىپ جاتىر.

كارتيناداعى باستى رولدەردى ەركەبۇلان دايىروۆ (جانىبەك)، قايرات كەمالوۆ (كەرەي)، ايان وتەپبەرگەنوۆ (بۇرىندىق)، مەيىرعات امانگەلدين (قاسىم)، بەكبولات تىلەۋحان (قازتۋعان)، دوسحان جولجاقسىنوۆ، ديماش احيموۆ، شۇعىلا ساپارعالي قىزى (كەرەيدىڭ ايەلى)، ءمادينا يسمانوۆا (جانىبەكتىڭ ايەلى) سومدادى.