قوستاناي وبلىسىندا ەكى رەسەيلىك ايەل قوعامدىق ورىندا مازانى العانى ءۇشىن ق ر اۋماعىنان شىعارىلدى، - دەپ حابارلايدى Qamshy.kz قوستاناي وبلىستىق سوتىنىڭ باسپا ءسوز قىزمەتىنە سىلتەمە جاساپ.
«رەسەي فەدەراسياسىنىڭ ازاماتشالارى بولىپ تابىلاتىن ەكى جاس سىعان ايەلى قارابالىق اۋدانىنا كەلگەن. مۇندا ولاردىڭ تۋىستارى دا، تانىستارى دا جوق. ولار بۇل جەردە قايىر سۇراۋمەن اينالىسقان»، - دەلىنگەن حابارلامادا.
قارابالىق اۋدانىنىڭ ورتالىعىندا ولار اۋىل تۇرعىندارىنىڭ مازاسىن الىپ، اقشا نەمەسە ازىق-تۇلىك تۇرىندە قايىر سۇراعان. قارابالىق اۋداندىق سوتى ق ر اقبتك 449 بابى 3 بولىمىنە (قوعامدىق ورىنداردا مازانى الۋ) سايكەس ولاردى اكىمشىلىك جاۋاپكەرشىلىككە تارتىپ، قازاقستان رەسپۋبليكاسىنىڭ اۋماعىنان شىعارۋ جونىندە قاۋلى قابىلدادى.
سوت قاۋلىسى زاڭدى كۇشىنە ەندى.
