پاۆلودارلىق رەپەر Facebook پەن ۆكونتاكتە جەلىلەرىندەگى ەكسترەميستىك ۇندەۋلەرى ءۇشىن قاماۋعا الىندى، - دەپ حابارلايدى Qamshy.kz Tengrinews.kz -كە سىلتەمە جاساپ.

پاۆلودار قالالىق قىلمىستىق سوتى 34 جاستاعى ەر ادامدى "قىلمىستىق ۇيىم قۇرۋ جانە وعان باسشىلىق جاساۋ، سول سياقتى وعان قاتىسۋ" جانە "ءدىني ارازدىقتى قوزدىرۋ" باپتارى بويىنشا كۇدىكتى رەتىندە تانىپ، ەكى ايعا قاماۋعا الدى.

"تەرگەۋ ورگاندارىنىڭ رۋسلان گيناتۋليندى تۇتقىنعا الۋ تۋرالى وتىنىشتەرىن قاراۋ بارىسىندا سوت 2002 جىلى ەكسترەميستىك ۇندەۋلەردى جولداعان وزبەكستاننىڭ ەكى ازاماتى وزدەرىنىڭ قىلمىستىق ىستەرىنە 35 قازاقستاندىقتى تارتقانىن انىقتادى. سونىمەن قاتار، گيناتۋلين مەن تاعى باسقا ازاماتتار قىلمىستىق رەپ "ءحيزب-ۋت-تاحرير-ال-يسلامي" ۇيىمىن قۇرعان. ولاردىڭ استانا، الماتى، قاراعاندى، پاۆلودار جانە وڭتۇستىك قازاقستان وبلىستارىندا بولىمشەلەرى بولعان، سونداي-اق وندا ول توپتىڭ باسشىسى مەن توپتىڭ تۇراقتى مۇشەلەرى جۇمىس ىستەگەن"، - دەپ حابارلادى №2 سوتىنىڭ باسپا ءسوز قىزمەتىندەگىلەر.

سوتتاعىلاردىڭ ايتۋىنشا، كۇدىكتى وسىعان دەيىن دە تىيىم سالىنعان ۇيىمعا قاتىسقانى ءۇشىن سوتقا تارتىلعان. تەرگەۋ ورگاندارىنىڭ مالىمەتىنشە، رەپەردىڭ تاعى دا قاماۋعا الىنۋىنا الەۋمەتتىك جەلىلەردەگى جازبالارى سەبەپ بولىپ وتىر.

تەرگەۋ مالىمەتىنشە، ەر ادام ۆكونتاكتە جانە Facebook الەۋمەتتىك جەلىلەرىنە قاساقانا تىيىم سالىنعان ۆيدەوروليكتەر مەن ماتەريالدار جۇكتەگەن. سونىمەن قاتار، ۇلتتار اراسىنداعى ارازدىقتى قوزدىرماقشى بولعان.

پاۆلودار وبلىستىق باقىلاۋ كوميسسياسىنىڭ ءتورايىمى ەلەنا سەمەنوۆانىڭ ايتۋىنشا، 34 جاستاعى رەپەر وسىعان دەيىن ەكى رەت سوتقا تارتىلعان. ءبىرىنشى رەت پاۆلودارلىق رەپەر سول ۋاقىتتا تىيىم سالىنعان "حيزب-ۋت-تاحرير" ءدىني ۇيىمنىڭ پاراقشالارىن تاراتقانى ءۇشىن سوتتالسا، ەكىنشى رەت ونى سول تىيىم سالىنعان ۇيىمعا قاتىسقانى ءۇشىن ەكى جىلعا باس بوستاندىعىنان ايىرىلعان.