قاراعاندى وبلىسى بالقاش قالاسى مەن گۇلشات ەلدى مەكەنىندە قولعا تۇسكەن لاڭكەستەر تۋرالى جاڭا دەرەكتەر جاريالاندى، - دەپ حابارلايدى Qamshy.kz كتك تەلەارناسىنا سىلتەمە جاساپ.
قاراعاندى وبلىسىندا جارىلىس ۇيىمداستىرماق بولعان تەرروريستەر سيرياداعى سوعىسقا اتتانۋدى جوسپارلاعان. ءتىپتى دىنىنەن اداسقان قارۋلى توپ بالقاش قالاسىنداعى رەسەيدىڭ اسكەري بولىمىنە شابۋىل جاساپ، قارۋ-جاراق الۋدى ويلاستىرىپتى. ءسويتىپ ەلدىڭ تىنىشتىعىن كەتىرىپ، دۇربەلەڭ تۋعىزباق بولعان.
بۇعان دەيىن، 26 ماۋسىم كۇنى قاراعاندى وبلىسىندا بىرنەشە راديكالدىق اعىم وكىلدەرى ۇستالىپ، بىرەۋى ءوزىن-وزى جارىپ جىبەرگەنى جاريالانعان ەدى. ۇقك ول ۇستالعانداردىڭ سالافيت اعىمىنىڭ وكىلدەرى ەكەنىن حابارلادى.
