تەرگەۋ يزولياتورىنا تۇسكەن كۇدىكتىنى  ادام توزگىسىز ادىسپەن ازاپتادى دەگەن ايىپپەن بۇگىن  ءۇش پوليسەيگە  قاتىستى سوت ۇكىمى شىقتى. الماتى وبلىسى قاراساي اۋداندىق ىشكى ىستەر باسقارماسىنىڭ پوليسەيلەرىنە 2 جىلدان 2 جىل 6 ايعا دەيىن جازا كەسىلدى. ءبىراق ايىپتالۋشى تاراپ بۇل ۇكىممەن مۇلدە كەلىسپەيدى، Qamshy.kz  31 ارناعا سىلتەمە جاساپ.

ءۇش پوليسەيگە قاتىستى قىلمىستىق قۋدالاۋ ءۇش جىل بويى ءبىر توقتاپ، ءبىر جاندانىپ وتىرعان. قىلمىستىق ءىس ماتەريالدارى بويىنشا 2013 جىلدىڭ ناۋرىز ايىندا پوليسيا قىزمەتكەرلەرى قاراساي اۋدانىنىڭ 39 جاستاعى تۇرعىنىن ەسىرتكى تاراتۋمەن اينالىسادى دەگەن كۇدىكپەن ۇستاعان. بىرنەشە كۇننەن سوڭ كۇدىكتى يزولياتوردا وز-وزىنە قول جۇمساعان. ارتىنشا ءتارتىپ ساقشىلارىنا قاتىستى تەرگەۋ ءىسى باستالىپتى. مامىر ايىندا باستالعان سوت وتىرىسىنىڭ ۇكىمى شىقتى. 

ۇلان ەسبەرگەنوۆ، ناۋرىزباي اۋداندىق سوتىنىڭ ءتوراعاسى:

- جابىرلەنۋشى يۋ ەن گينعا كەلتىرىلگەن ازاپتاۋ ارەكەتتەرى ءۇشىن كىنالى دەپ تانىلىپ، 2 جىلدان 2 جارىم جىلعا دەيىن باس بوستاندىعىنان ايىرۋ جازاسى ولارعا تاعايىندالدى. 

الايدا بۇل ۇكىممەن جابىرلەنۋشى تاراپ تا، ايىپتالۋشى تاراپ تا كەلىسپەيتىندەرىن ءبىلدىردى. جابىرلەنۋشىلەر جازا جەڭىل بولدى دەسە، ايىپتالۋشى جاق نەگىزسىز، دالەلسىز جازا كەسىلدى دەيدى.

ءالىمجان ورالباي، قورعاۋشى:

- ۇكىممەن كەلىسپەيمىز. مىندەتتى تۇردە شاعىم تۇسىرەمىز. ناقتى دالەل جوق، تەك جاناما دالەلدەر عانا كەلتىرىلدى. تەرگەۋ ىسىندە قاتەلىكتەر كوپ بولدى. ونى سۋديا دا اتاپ ءوتتى. مەملەكەتتىك ايىپتاۋشىعا قاتىستى جەكە قاۋلى دا شىعارىلدى.

سوت تەك جابىرلەنۋشىنىڭ تۇسىنىكتەمەسىن نەگىزگە الدى دەگەن قورعاۋشى ونىڭ بۇرىن قىلمىستىق جاۋاپقا تارتىلىپ، ناركولوگيالىق ەسەپتە تۇرعانىن ايتتى. ال سوتقا شاعىمدانىپ، 3 ميلليون تەڭگە وتەماقى تالاپ ەتكەن جابىرلەنۋشى تاراپ مارقۇمدى اقتاۋعا تىرىسادى.

ناتاليا گۋسيەۆا، جابىرلەنۋشى:

- ءىستىڭ باسىنان باستاپ ءادىل جۇرگىزىلۋىن تالاپ ەتتىم، باقىلادىم. باۋىرىم جايدان جاي قول جۇمسامادى وزىنە. زاڭسىزدىق ونى سۋيسيدكە يتەرمەلەدى.

پوليسەيلەرگە قاتىستى "كۇدىكتىنى زاڭسىز ۇستادى" دەگەن ايىپ قىسقارتىلىپ، "ازاپتادى" دەگەن ايىپ بويىنشا جازا كەسىلدى. ۇكىم ءالى زاڭدى كۇشىنە ەنگەن جوق.