ۇلىبريتانيانىڭ پرەمەر-مينيستر لاۋازىمىنا ەكى ايەل ۇمىتكەر. ازىرشە باسىمدىق ءىىم باسشىسى تەرەزا مەيدە. ونىڭ باسەكەلەسى اندرەا ليدسوم دا قالىسايىن دەپ تۇرعان جوق، - دەپ حابارلايدى Qamshy.kz ربك–عا سىلتەمە جاساپ. 

1990 جىلدان بەرى ۇلىبريتانيا ۇكىمەتىنىڭ باسشىلىعىنا العاش رەت ايەل كەلەيىن دەپ وتىر. كوسەرۆاتيۆتىك پارتيا اتىنان قازىرگى ىشكى ىستەر ءمينسترى تەرەزا مەي ۇسىنىلسا، ەلدىڭ ەۋروپالىق وداقتان شىعۋىن قۇپتاۋشىلاردىڭ ءبىرى ەنەرگەتيكا ءمينيسترىنىڭ ورىنباسارى اندرەا ليدسوم ونىڭ باستى باسەكەلەسى. ازىرشە سايلاۋ الدى جارىستا تەرەزا مەي وق بويى وزىق تۇر. گەندەرلىك تەڭسىزدىك ماسەلەسىمەن ۇزاق ۋاقىتتان بەرى اينالىسىپ كەلە جاتقان ساياساتكەر ءىىم باسشىلىعىنا تاعايىندالعاننان كەيىن ميگراسيالىق ماسەلەردى شەشۋگە بەلسەنە اتسالىسىپتى.  ال ليدسومنىڭ ماماندىعى ساياساتكەر، جيىرما جىلدان استام ۋاقىت قارجى سالاسىندا جۇمىس ىستەگەن. بۇگىندە ەنەرگەتيكا ءمينيسترىنىڭ ورىنباسارى قىزمەتىن اتقاراتىن ليدسوم ەلدەگى مۇناي-گاز سالاسىنا جاۋاپتى. 9 شىلدەدە «The Times»-قا بەرگەن سۇحباتىندا ليدسوم ءۇش بالالى انا رەتىندە بالاسىز مەيدەن ءوزىنىڭ باعى باسىم ەكەنىن ايتقان. «بالالار ۇلىبريتانيانىڭ بولاشاعىنا سالىنعان ۇلكەن سالىم» دەگەن ليدسومدى باتىس جۋرناليستەرى ءتۇرلى داۋلى ماسەلەلەردىڭ ورتاسىنداعى ادام سانايدى.

دانا قامشىبەك