“ال-كايدانىڭ” بۇرىنعى ليدەرى ۋساما بەن لادەننىڭ ۇلى حامزا بەن لادەن ينتەرنەتتە جاريالاعان اۋديو ۇندەۋىندە اقش-تان اكەسىنىڭ كەگىن الاتىنىن ايتقان. بۇل تۋرالى اقپاراتتى ۇكىمەتتىك ەمەس SITE Intelligence Group ۇيىمى تاراتتى» دەپ جازادى «ازاتتىق» راديوسىنىڭ اقپاراتتىق سايتى.

“ءبىز – ءبارىمىز ۋساما” اتتى 20 مينۋتتىق اۋديو ۇندەۋدە حامزا اقش پەن ونىڭ وداقتاستارىنا قارسى كۇرەستى جالعاستىرا بەرەتىنىن، ونىڭ جاقتاستارى اقش تەرريتورياسى مەن باسقا شەتەلدەرگە دە سوققى جاسايتىنىن ايتقان.

حامزا بەن لادەن ءوز ۇندەۋىندە “پالەستينا، اۋعانستان، سيريا، يراك، يەمەن، سومالي جانە باسقا مۇسىلمان جەرلەرى ءۇشىن دە كەك الاتىنىن” مالىمدەگەن.

2001 جىلعى 11 قىركۇيەكتەگى لاڭكەستىكتى ۇيىمداستىردى دەپ ايىپتالعان ۋساما بەن لادەن 2011 جىلى پاكىستاندا اقش اسكەريلەرىنىڭ ارنايى وپەراسياسى كەزىندە قازا تاپقان.