شىمكەنتتىك كاسىپكەر توقتار تولەشيەۆتىڭ ءىسى بويىنشا 300 ادام كۋاگەر رەتىندە ىسكە تارتىلىپ، 25 ادام قىلمىستىق جاۋاپكەرشىلىككە تارتىلۋدا، - دەپ حابارلايدى Qamshy.kz.

تەرگەۋ بارىسىندا ت.تولەشوۆتىڭ ءبىرقاتار اۋىر جانە وتە اۋىر قىلمىس جاساعانى دالەلدەنگەن. اتاپ ايتساق،وعان قىلمىستىق كودەكستىڭ 125، 126، 179، 182، 192، 262، 265، 266، 268، 287، 296 جانە 367 باپتارى بويىنشا، سونداي-اق قىلمىستىق كودەكستىڭ 1997 جىلعى رەداكسياسىنداعى 96، 107 جانە 187 باپتارى بويىنشا ايىپ تاعىلىپ وتىر.

ۇلتتىق قاۋىپسىزدىك كوميتەتى ءمالىم ەتكەندەي، ت.تولەشوۆ ترانسۇلتتىق قىلمىستىق توپتى قارجىلاندىرىپ، تۇراقتى تۇردە قارۋلانعان توپتى قۇرعان جانە ونى باسقارعان.

«ت. تولەشيەۆ باسقارعان قىلمىستىق توپ ونىڭ بۇيرىعىمەن ادام ءولتىرۋ، ادام ولتىرۋگە ارەكەت جاساۋ، ادامدى زاڭسىز ۇرلاپ، ونى بوستاندىعىنان ايىرۋ، قورلاۋ، ۇرىپ-سوعۋ، بىرەۋدىڭ مۇلكىن ادەيى جويۋ ىستەرىمەن اينالىسقان»،- دەپ حابارلادى باسپا ءسوز  قىزمەتى.

تەرگەۋ انىقتاعانداي، توقتار تولەشيەۆ پەن ونىڭ ءبىراز سىبايلاستارى الەۋمەت اراسىندا شۋ شىعارىپ، جاپپاي تارتىپسىزدىك پەن نارازىلىق شارالارىن ۇيىمداستىرۋ ارقىلى بيلىكتىڭ كۇشپەن باسىپ الۋعا ارەكەت ەتكەن.  

ەستەرىڭىزگە سالا كەتەيىك، بۇعان دەيىن تولەشوۆ توقتار ءجۇسىپۇلىنا قاتىستى قىلمىستىق ءىس بويىنشا تەرگەۋ اياقتالعانىن حابارلاعان بولاتىنبىز.