بيلىكتى زاڭسىز باسىپ الۋعا ارەكەت ەتتى دەپ ايىپتالىپ وتىرعان بۇرىنعى بيزنەسمەن توقتار تولەشيەۆ قازاقستاننىڭ ۆيسە-پرەزيدەنتى بولۋعا ۇمتىلىپ، ارتىنشا مەملەكەتتى باسقارعىسى كەلگەن، - دەپ حابارلايدى Qamshy.kz  ۇلتتىق قاۋىپسىزدىك كوميتەتىنىڭ باسپا ءسوز قىزمەتىنىڭ وكىلى  رۋسلان قاراسيەۆقا سىلتەمە جاساپ.

ر.قاراسيەۆتىڭ ايتۋىنشا، بيلىكتى باسىپ الۋ جوسپارىن ورىنداۋ ءۇشىن ت. تولەشيەۆ الدىمەن ەلدەگى جاعدايدى تۇراقسىزداندىرۋعا ارەكەت جاساعان. بۇل ءۇشىن ت. تولەشيەۆ 2005 جانە 2010 جىلى قىرعىز رەسپۋبليكاسىندا بولعان جاعدايدى وتە مۇقيات زەرتتەگەن. ءتىپتى قىرعىزستانعا ءوزى بارىپ، كەرەكتى ماتەريالدار مەن دەرەك-دايەكتەر ىزدەگەن.

«بيلىككە حالىق اراسىندا جاپپاي تارتىپسىزدىك ورناتىپ، حالىقتى نارازىلىققا ازعىرۋ ارقىلى كەلۋگە بولاتىنىن تۇسىنگەن ول بۇل ارام پيعىلىن قازاقستاننىڭ باتىسىندا تەز جۇزەگە اسىرۋعا بولادى دەگەن بولجامعا كەلگەن. تولەشيەۆ قازاقستاننىڭ  باتىسىندا نارازى توپتار بار دەپ پايىمداپ، الەۋمەتتىك-ەكونوميكالىق جانە وزگە دە ماسەلەلەردى العا تارتا وتىرىپ، نارازى توپتاردى ءوز مۇددەسى ءۇشىن پايدالانباق بولعان. جاپپاي تارتىپسىزدىك پەن ادەيى ۇيىمداستىرىلعان نارازىلىق اكسيالارىنىڭ بارىسىندا ول بيلىككە ۋلتيماتۋم جاساپ، ءوزى  ءۇشىن ۆيسە-پرەزيدەنت لاۋازىمىن ەنگىزۋدى كوزدەگەن. ارتىنشا، مەملەكەتتى ءوزى باسقارۋدى ويلاعان»،-دەپ حابارلادى ر.قاراسيەۆ.