ۇقك وكىلدەرى جۋرناليستەرگە توقتار توقلەشيەۆتىڭ سىبايلاستارىنان تاركىلەنگەن قارۋ-جاراقتى كورسەتتى، - دەپ حابارلايدى Qamshy.kz.

"تولەشوۆتىڭ قول استىندا 90-نان اسا قارۋلانعان جانە قاجەتتى وقۋدان وتكەن جاۋىنگەر بولعان. ارنايى بولىمشەنى سىرتتاي زاڭدى ەتۋ ءۇشىن تولەشوۆ ول توپقا ارنايى "سمەرش" كۇزەت فيرماسىن، كەيىننەن "ۆىمپەلگرۋپپ" فيرماسىن تىركەگەن. سونىمەن قاتار، تولەشوۆ ۇيىمداستىرعان توپتىڭ قاجەتتىلىكتەرىن وتەۋ ءۇشىن قول استىنداعى ادامدار ارقىلى زاڭسىز تۇردە وق اتاتىن قارۋ مەن جارىلعىش زاتتاردى الىپ وتىرعان. تولەشوۆتىڭ كاسىپورىندارىن جانە باسقا مۇلىك نىساندارىن ءتىنتۋ بارىسىندا ونىڭ سىبايلاستارىنان 10 دانادان اسا وق اتاتىن قارۋ، گراناتا مەن بىرنەشە اتۋ جاراقتارى الىندى. سونداي-اق، تولەشوۆتىڭ قىلمىستىق توبىندا كۇزەت فيرمالارىنا تىركەلگەن 60-تان اسا قىزمەتتىك قارۋ بولعان"، - دەپ حابارلادى ۇقك وكىلدەرى. 

سونىمەن قاتار، تولەشوۆكە ترانسۇلتتىق قىلمىستىق قوعامداستىقتى قارجىلاندىرعان، سونىمەن قاتار تۇراقتى قارۋلى توپتى قۇرىپ، باسقارعان دەگەن كۇدىك كەلىپ وتىر. ال 11 شىلدەدە ۇقك وكىلدەرى تولەشوۆتىڭ ۇزاق ۋاقىت بويى شەتەلدەگى "براتسكيي كرۋگ" سياقتى بەلگىلى قىلمىستىق ترانسۇلتتىق قاۋىمداستىقتىڭ ليدەرلەرى مەن باستى تۇلعالارىن قارجىلاندىرىپ كەلگەنىن جانە بايلانىستا بولىپ كەلگەنىن حابارلادى.