قازاقستاننىڭ پرەمەر-مينيسترى كارىم ءماسىموۆ مەملەكەت باسشىنىڭ تاپسىرماسىمەن وڭىرلەرگە جۇمىس ساپارىن جالعاستىرۋدا، - دەپ حابارلايدى Qamshy.kz .
ۇكىمەت باسشىسىنىڭ باسپا ءسوز قىزمەتى ك.ءماسىموۆ ءوڭىردىڭ دامۋىن جەكە باعالاۋ، سونداي-اق وزەكتى ماسەلەلەردى تالقىلاۋ ءۇشىن قوستاناي وبلىسىنا كەلگەنىن حابارلادى.
اتاپ ايتقاندا، پرەمەر-مينيستر تۇرعىن ءۇي قۇرىلىستارىمەن، اۆتوكولىك كلاستەرىنىڭ دامۋىمەن تانىسىپ، اۋىل شارۋاشىلىعى مەن مەتاللۋرگيا كاسىپورىندارىنا بارادى جانە حالىققا مەملەكەتتىك قىزمەت كورسەتۋدىڭ ساپاسىن جاقسارتۋ ماسەلەلەرى بويىنشا جينالىس وتكىزەدى.
سونىمەن بىرگە، كارىم ءماسىموۆ اۋىل شارۋاشىلىق كاسىپورىن جەتەكشىلەرىنىڭ قاتىسۋىمەن مال شارۋاشىلىعىن دامىتۋ تۋرالى ارنايى جينالىس وتكىزەدى. وتاندىق ونەركاسىپتەردىڭ قۋاتتىلىعىن كوبەيتۋ جانە ءونىمنىڭ ساپاسىن جاقسارتۋ ماسەلەلەرىنە باستى نازار اۋدارىلادى.
