شىمكەنتتە 5 جاستاعى قىزدى زورلادى دەگەن كۇدىكپەن 34 جاستاعى ەر ادام ۇستالدى، - دەپ حابارلايدى Qamshy.kz وبلىستىق ءىىد باسپا ءسوز قىزمەتىنە سىلتەمە جاساپ.
2016 جىلدىڭ 11 شىلدەسىندە كەشكى ۋاقىتتا جەرگىلىكتى تۇرعىن پوليسياعا شاعىم تۇسىرگەن. قىزدىڭ اناسىنىڭ ايتۋىنشا، 30-35 جاس شاماسىنداعى بەلگىسىز ەر ادام ونىڭ 2011 جىلى تۋعان قىزىن زورلاۋعا وقتالعانىن ايتادى. وقيعا ورنىنا كەلگەن پوليسەيلەر ورداباسى اۋدانىنىڭ 1982 جىلى تۋعان تۇرعىنىن ۇستادى.
ايتا كەتەيىك، بۇل ءىس ق ر قىلمىستىق كودەكسىنىڭ 124-بابى بويىنشا ("جاس بالالاردى ازعىندىق جولعا ءتۇسىرۋ") تىركەلدى. ال سوت-مەديسينالىق ساراپتامانىڭ قورىتىندىسى 5 جاسار قىزدىڭ دەنەسىنەن ەشقانداي دەنە جاراقاتتارى انىقتالماعانىن كورسەتتى. قازىرگى كەزدە پوليسەيلەر وقيعانىڭ ءمان-جايىن انىقتاپ جاتىر.
