كەڭەس ۇكىمەتى سىرتقى ەلدەرمەن بايلانىستا وتە ساق بولعانى بەلگىلى. شەت ەلگە بارعان ءاربىر ازامات جانە سىرتتان كەلگەن ءار ادام ءجىتى تەكسەرىلەتىن. 1985 جىلى بريتانيانىڭ قازىرگى پرەمەر-مينيسترىنىڭ  كەڭەستەر وداعىنا ساپار شەگۋىنە قاتىستى «كومسومولسكايا پراۆدا» باسىلىمىنىڭ شولۋشىسى ەۆگەنيي چەرنىح جازۋشى گەنناديۋ ەۆگەنيەۆيچ سوكولوۆپەن جۇرگىزگەن سۇحباتىندا ايتىلادى. كەزىندە ۇلىبريتانيادا قىزمەت ىستەپ، ساياسي تاقىرىپتا ەڭبەكتەر جازعان گ.ە.سوكولوۆ جاس كەمەروننىڭ سول ساپارىنا قاتىستى ءبىراز مۇراعاتتى اقتارعان كورىنەدى.

1985  جىلى جازدا يتون كوللەدجىن بىتىرگەن ديەۆيد كەمەرون دوسى ەنتوني گريففيتپەن بىرگە كسرو-عا قىدىرىپ كەلەدى. بۇل ساپارى جونىندە كەمەروننىڭ ءوزى كەيىن «بي-بي-سي»-گە بەرگەن سۇحباتىندا ايتقان. كەمەرون دوسىمەن بىرگە لەنينگراد، يالتا، كييەۆ، كيشينيەۆ سياقتى قالالاردى ارالاعان.

گ.ن.سوكولوۆتىڭ ايتۋىنشا، 1920-30 جىلدارى بريتانيا ارنايى قىزمەتى بولاشاق ساياساتكەرلەردى سىناۋ ءۇشىن وسىنداي «ساياحاتقا» جىبەرىپ وتىرعان. سىناقتان ءوتۋشىنىڭ قاسىندا تاجىريبەلى تىڭشى بولعان. ساپار سوڭىندا ونى قانداي قىزمەتكە لايىق ەكەندىگى تۋرالى بەلگىلى ءبىر ناتيجە شىعارىلعان. ماسەلەن، ۇلىبريتانيانىڭ بولاشاق قورعانىس ءمينيسترى دۋنكان ساندس (ۋينستون چەرچيللدىڭ كۇيەۋ بالاسى) سىرتقى ىستەر مينيسترلىگىندە جۇمىسىن باستاعان كەزدە  وسىنداي «ساياحاتقا» شىعىپ، بارلاۋ قىزمەتىنىڭ سىناعىنان وتكەن. سىناقتان ءساتتى وتكەندىگىنىڭ بەلگىسى دۋنكان تىڭشىلىق قىزمەتتە دە، ساياساتتا دا بەدەلدى تۇلعاعا اينالدى. كەمەرون كسرو-داعى يالتادا «دەمالعاندا» اعىلشىن ءتىلىن جەتىك بىلەتىن ورىس ازاماتى ونىمەن تانىسۋ ارقىلى قانداي ماقساتپەن كەلگەنىن تەكسەرمەك بولعان. الايدا كەمەروننىڭ ءوز ساپارىنىڭ بۇگە-شىگەسى تۋرالى ەشقاشان اشىپ ايتپاپتى. ءتىپتى كسرو-دا دەمالعان ساتتەرىنەن سۋرەتتەرى دە ساقتالماپتى. ول كسرو-عا ساپارى تۋرالى كونسەرۆاتيۆتىك پارتيانىڭ جەتەكشىسى قىزمەتىنە كىرىسكەننەن كەيىن ءبىراق جاريالاعان. كەمەروننىڭ ساياسات جولىندا كەدەرگىسىز وسۋىنە كسرو-دا كگب-عا «ۇستالماي»، امان-ەسەن ورالۋى نەگىز بولسا كەرەك. 2010 جىلى ۇكىمەت باسىنا كەلگەن كەمەرون 200 جىل ىشىندە بريتانيانىڭ تۇڭعىش جاس پرەمەر-مينيسترى رەتىندە بەلگىلى.

دايىنداعان دانا قامشىبەك