بوكستان بەيجىڭ وليمپياداسىنىڭ چەمپيونى باقىت سارساكبايەۆ بانككە 13 ميلليون 600 مىڭ تەڭگە قارىز بولىپ شىقتى. باسى داۋدان ارىلماي، باپكەرىمەن دە، جۇبايىمەن دە ارازداسقان بوكسشىنىڭ سوت ءىسى ءالى جالعاسىپ جاتىر، - دەپ حابارلايدى Qamshy.kz  31 ارناعا سىلتەمە جاساپ.

"قازاقستان حالىق بانكى" استاناداعى سارىارقا اۋداندىق سوتىنا سارساكبايەۆتىڭ ۇستىنەن ازاماتتىق ارىز تۇسىرگەن. بوكسشى 120 ايلىق مەرزىمگە 15% سىياقى مولشەرلەمەسى كولەمىندە 13 ميلليون  600 000 تەڭگە نەسيە الىپ، جىلجىمايتىن مۇلىك رەتىندە استانا قالاسىنداعى جەكە پاتەرىن كەپىلگە قويىپتى. سوڭعى تەكسەرىستەردەن كەيىن سوت ەكى جاقتى كەلىسىمدى جارامسىز دەپ تانىدى. ويتكەنى، ونىڭ ءوز مىندەتىنەن جالتارماق بولعانى انىقتالعان. ەندى بوكسشى بانككە قارىزى مەن مەملەكەت پايداسىنا سوت شىعىندارىن تولىق ءوندىرىپ بەرۋى كەرەك. بۇعان دەيىن باقىت سارسەكبايەۆ تاعى ءبىر سوتتا جەڭىلىپ، وزىنە تيەسىلى اۆتوكولىكتى  ەلۆيرا سارسەكبايەۆاعا بەرۋگە شەشىم شىققان بولاتىن.