الماتىدا جانارماي قۇيۋ بەكەتىنە قاراقشىلىق شابۋىل جاسالدى.  قايتا ادامداردىڭ ءبارى امان.  بەتپەردە كيىپ، عيماراتتى باسىپ كىرگەن ەكى كۇدىكتى دە كوپ ۇزاماي قولعا ءتۇستى. ەكەۋى دە 18 جاستا، - دەپ حابارلايدى Qamshy.kz 31 ارناعا سىلتەمە جاساپ.

بەلگىلى بولعانداي،  ولار   جەتىسۋ اۋدانىنداعى جانارماي بەكەتتەرىنىڭ بىرىنە كىرىپ، كاسسيرگە قارۋ كەزەنىپ، اقشا تالاپ ەتكەن. ءسويتىپ، قوماقتى قارجى مەن كاسسيردىڭ ۇيالى تەلەفونىنا دەيىن وزدەرىمەن بىرگە الىپ كەتكەن.

ۇستالعان ازاماتتار بۇعان دەيىن دە وسىعان ۇقساس قىلمىستىق ارەكەت جاساۋى مۇمكىن دەيدى قالالىق ىشكى ىستەر باسقارماسى. تاڭعى ساعات 4-تە بەتپەردە كيىپ جانارماي بەكەتىنە شابۋىلداعان كۇدىكتىلەر 110 مىڭ تەڭگەنى قولدى قىلعان. الماتى وبلىسىنىڭ ىلە اۋدانىندا تۇراتىن قوس ازاماتتىڭ كىناسى دالەلدەنسە، جەتى جىلعا دەيىن باس بوستاندىعىنان ايىرىلۋى مۇمكىن. ازىرگە ەكەۋى دە ۋاقىتشا اباقتىعا قامالعان.

- قىلمىستىق كودەكستىڭ 192 بابى، ەكىنشى تارماعى بويىنشا سوت الدى تەرگەۋ امالدارى جالعاسۋ ۇستىندە. بۇرىن بۇل ەكى بوزبالا قىلمىس جاساماعان كورىنەدى، دەگەنمەن، الدىن الا مالىمەتىمىزشە، تارىزدەس قىلمىستارعا قاتىسى بولۋى مۇمكىن دەگەن بولجام بار. تەك الماتى قالاسى ەمەس الماتى وبلىسى كولەمىندە بولعان قىلمىستارعا قاتىستىلىعىن مىندەتتى تۇردە تەكسەرەمىز، - دەي ءدى الماتى قالالىق ءىىد باسپا ءسوز حاتشىسى سالتانات ازىربەك.