وقيعا 5 شىلدە كۇنى قازىعۇرت اۋدانىندا ورىن العان. جەرگىلىكتى تۇرعىننىڭ ۇيىندە جالدانىپ جۇمىس ىستەپ جۇرگەن وزبەكستان ازاماتتارى ءۇي يەسى - 1976 جىلى تۋعان ايەلدى بىرنەشە رەت پىشاقتاپ، ونىڭ 2،5 ميلليون تەڭگەسىن قولدى قىلعان. اۋىر جاراقاتتانعان جابىرلەنۋشى اۋرۋحانادا، - دەپ حابارلايدى Qamshy.kz Sn.kz -كە سىلتەمە جاساپ.
وقيعا ورنىنا كەلگەن پوليسەيلەر كۇدىكتىلەردى ءىزىن سۋىتپاي ۇستاي الماعان. دەگەنمەن، شۇعىل ىزدەۋ جۇمىستارى بارىسىندا 1994 جىلى تۋعان وزبەكستان ازاماتى قولعا ءتۇستى. ول قازىرگى تاڭدا قاماۋعا الىنىپ، تەرگەۋشىلەردىڭ سۇراقتارىنا جاۋاپ بەرىپ جاتىر.
ءتارتىپ ساقشىلارى اتالعان جايت بويىنشا "قاراقشىلىق" دەرەگىمەن قىلمىستىق ءىس قوزعادى. ايعاق زات رەتىندە پىشاق تاركىلەنگەن. ال، 1986 جىلى تۋعان ەكىنشى وزبەك ازاماتىنا ىزدەۋ جاريالاندى. سوتقا دەيىنگى تەرگەۋ امالدارى جۇرگىزىلۋدە.
