كوكشەتاۋدا سالىق كوميتەتى عيماراتىنىڭ الدىندا ەر ادام ءوزىن جارىپ جىبەرمەك بولدى، - دەپ حابارلايدى Qamshy.kz اقمولا وبلىسىنىڭ ىشكى ىستەر دەپارتامەنتىنىڭ باسپا ءسوز قىزمەتىنە سىلتەمە جاساپ.

كوكشەتاۋ قالالىق ىشكى ىستەر باسقارماسىنىڭ كەزەكشى بولىمىنە 43 جاستاعى ەر ادام قوڭىراۋ شالىپ، سالىق كوميتەتى قىزمەتكەرلەرىمەن ارادا تۋىنداعان جانجالدى شەشۋگە كومەك كورسەتىلمەسە، ءوزىن جارىپ جىبەرەتىندىگىن ايتقان.

جەدەل ىزدەستىرۋ كەزىندە اكىمشىلىك عيمارات ماڭىنان جارىلعىش زاتتار تابىلماعان.

پوليسەيلەر كۇدىكتىدەن جاۋاپ الۋ كەزىندە ول 200 مىڭ تەڭگەدەن استام ءىرى كولەمدەگى ايىپپۇلمەن كەلىسپەگەندىكتەن وسى قادامعا بارعاندىعىن ايتقان. تەكسەرۋ كەزىندە انىقتالعانداي، ونىڭ اتىنا جەكە كاسىپكەرلىك قىزمەتىنە پاتەنت تىركەلگەن. ءبىراق وندا باسقا ادامدار جۇمىس ىستەگەندىكتەن، كۇدىكتى ەشقانداي پايدا كورمەگەندىگىن ايتىپتى. ەندىگى جەردە اشۋعا بوي الدىرىپ زاڭسىز ارەكەت جاساعانى ءۇشىن ق ر قىلمىستىق كودەكسىنىڭ 1ء-بولىمىنىڭ 115-بابى بويىنشا كۇدىكتىنىڭ ۇستىنەن قىلمىستىق ءىس قوزعالدى.