سولتۇستىك قازاقستان وبلىسىندا پوليسەيلەر بۇرىنعى ايەلىن ءولتىردى دەلىنگەن پەسكي اۋىلىنىڭ 28 جاستاعى تۇرعىنىن ۇستادى. الدىن الا مالىمەت بويىنشا، ەر ادام باستاپقىدا ايەلىن سوققىعا جىعىپ، كەيىننەن ونىڭ دەنەسىن سۋعا باتىرىپ جىبەرگەن، - دەپ حابارلايدى Qamshy.kz Tengrinews.kz -كە سىلتەمە جاساپ.

1988 جىلى دۇنيەگە كەلگەن ايەلدىڭ دەنەسىن بالىقشىلار پەسكي اۋىلىنا جاقىن ەسىل وزەنىنەن تاپقان. ايەل اياق-قولىنا تاس بايلانعان كۇيى تابىلعان. ال باسىندا جاراقاتتىڭ ىزدەرى قالعان.

ايتا كەتەيىك، پەسكي اۋىلىنىڭ تۇرعىنى مامىر ايىنىڭ سوڭىندا جوعالىپ كەتكەن بولاتىن. پوليسەيلەر مەن تۋىستارى وسى ۋاقىت بويى ىزدەستىرۋ جۇمىستارىن جۇرگىزگەن.

ال ۇستالعان تۇرعىن سوتقا دەيىنگى تەرگەۋ جۇمىستارى كەزىندە كىناسىن مويىندادى. ونىڭ ايتۋىنشا، 26 ماۋسىمعا قاراعان ءتۇنى ول ايەلىمەن جانجالداسىپ، سوققىعا جىققان. كەيىن ونىڭ دەنەسىن ەسىل وزەنىنە تاستاعان.

"قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. وعان قاتىستى بۇلتارتپراۋ شاراسىن قولدانۋ جوسپارلانىپ وتىر. ىسكە قاتىستى قاجەتتى ساراپتامالار تاعايىندالدى"، - دەدى عابيت مۇسىرەپوۆ اۋداندىق ءىىب باسشىسىنىڭ ورىنباسارى، پوليسيا كاپيتانى ازات قۇسايىنوۆ.

ايتا كەتەيىك، بۇرىنعى ەرلى-زايىپتىلار رەسمي تۇردە 2015 جىلى اجىراسقان ەكەن. ولاردىڭ كامەلەتكە تولماعان ەكى بالاسى بار بولىپ شىقتى.